Manzi Angelo @AngeloHub_

Ubuyobozi bw'Akarere ka Gatsibo bwaganiriye n'Abayobozi b’imiryango ishingiye ku myemerere ku ruhare rwabo mu kwimakaza ubumwe n’ubudaheranwa bw’Abanyarwanda, no gufasha abaturage gusobanukirwa gahunda za Leta n’iterambere. Umuyobozi w’Akarere ka Gatsibo, Gasana Richard yabashimiye ubufatanye, abasaba gukomeza kubaka igihugu binyuze mu nyigisho zituma abaturage barushaho kwiyubaka. Pasiteri Rev. Can. Dr. Antoine Rutayisire yabasabye kuba abizerwa muri byose no kwigisha abaturage inzira y'iterambere, ati "Mu gihe dutegereje kujya mu gihugu cyo mu ijuru, twubake icyo turimo ubu."

keyboard_arrow_left Previous keyboard_arrow_right Next

Rwamagana: Abanyeshuri 70 bajyanywe kwa muganga nyuma yo gufata ifunguro rya saa sita Abanyeshuri 70 bo mu Kagari ka Kaduha, mu Murenge wa Munyaga, mu Karere ka Rwamagana, bajyanywe ku Kigo Nderabuzima cya Munyaga kugira ngo bitabweho n’abaganga nyuma yo kugira ikibazo cy’ubuzima bikekwa ko gifitanye isano n’ifunguro rya saa sita bariye ku ishuri, kuri uyu wa 23 Ukwakira 2026.

keyboard_arrow_left Previous keyboard_arrow_right Next

🎥Mukandayisenga Consolee wo mu Murenge wa Rugarama, mu Karere ka Gatsibo, amaze imyaka 20 akora umwuga w’ubudozi, wamufashije kwiteza imbere no kwita ku muryango we. Mukandayisenga asanga ubudozi bushobora kuba isoko y’iterambere rirambye iyo bukozwe kinyamwuga kandi hakitabwa ku bakiriya. ... Kurikira inkuru irambuye unyuze hano 👇 youtu.be/W0iDWxGj1H0?si…

Federasiyo y’Umukino wa Volleyball mu Rwanda(FRVB) yatangaje ko imikino ya Shampiyona y’Igihugu y’umukino wa Volleyball yari iteganyijwe kubera mu Karere ka Kirehe muri Gymnase ya Kirehe kuri uyu wa Gatandatu, yimuriwe ku Cyumweru tariki 25 Ukwakira 2026; kubera ko amatora y’inzego z’imitegekere y’Igihugu zegerejwe abaturage. ... Soma inkuru irambuye unyuze hano 👇 muhaziyacu.rw/siporo-imyidag…

🎥Lionel Messi yabaye umukinnyi wa mbere w’umupira w’amaguru wegukanye ku giti cye igihembo cya Princess of Asturias Award for Sports cya 2026. Ibihembo bya Princess of Asturias Awards bitangwa buri mwaka muri Espagne mu rwego rwo gushimira abantu cyangwa ibigo byagize uruhare rukomeye mu guteza imbere umuco, siyanse, ubuvuzi, n’imyidagaduro, by’umwihariko siporo.

Badahigwa ba Nyanza, ejo ku wa Gatandatu, tariki 24 Ukwakira 2026 guhera saa moya za mu gitondo (07h00), tuzitorera abayobozi ku rwego rw'Umudugudu. Tuzayitabire kandi twubahirize igihe. #Amatora2026

Harabura amasaha make ngo twitabire amatora ku rwego rw'Umudugudu. Ni ejo kuwa Gatandatu, tariki 24 Kwakira 2026. #Amatora2026

🎥Ubuyobozi bw'Intara y'i Burasirazuba buributsa abayituye kuzitabira amatora y'inzego z'ibanze azaba kuri uyu wa Gatandatu tariki ya 24 Ukwakira 2026. @PudenceR

Abaturage bo mu Karere ka Rwamagana bashimye Perezida wa Repubulika, Paul Kagame, ku ruhare yagize mu guhagarika Jenoside yakorewe Abatutsi mu 1994, bagaragaza ko ari imwe mu nkingi zishingirwaho mu kwimakaza gahunda y’Ubumwe n’Ubudaheranwa bw’Abanyarwanda. Ibi byagarutsweho mu biganiro biri kubera ku rusengero rwa Orutodogisi(Orthodox) i Rwamagana, bigamije gukomeza gukangurira Abanyarwanda kwegerana, gusubiza amaso inyuma ku mateka mabi yaranze igihugu no kuyigiraho, hagamijwe kwimakaza ubumwe bw’Abanyarwanda no kubaka ejo hazaza heza, birinda guheranwa n’amateka mabi yaranze u Rwanda.

keyboard_arrow_left Previous keyboard_arrow_right Next

Abafite ubumuga bwo kutabona barasaba ko amashuri bigamo yakwiyongera, kuko amashuri ahari mu Rwanda akiri make ugereranyije n’abayakeneye, bigatuma bamwe muri bo batabona amahirwe yo kwiga, mu gihe inzego zitandukanye zisabwa gufatanya mu guteza imbere uburezi budaheza. ... Soma inkuru irambuye unyuze hano 👇 muhaziyacu.rw/amakuru/abafit…

Mu Karere ka Gatsibo, abana bagera kuri 800 baribo abigaga mu mashuri abanza n’ayisumbuye ntibarasubira ku ishuri muri uyu mwaka w’amashuri wa 2026-2027, mu gihe uyu mwaka w’amashuri utangira abagera 1,600 ari bo bari babaruwe batahise bagaruka ku ishuri; ariko ku bufatanye bw’ubuyobozi, inzego zitandukanye n’ibigo by’amashuri, kimwe cya kabiri bongeye gusubizwayo. ... Soma inkuru irambuye unyuze hano 👇 muhaziyacu.rw/amakuru/uburez…

Umuhanzikazi Bwiza Emerance n’umukunzi we akaba n'usanzwe umureberera inyungu mu buhanzi bwe(Manager),Uhujimfura Jean Claude basezeranye imbere y’amategeko mu Murenge wa Kimihurura mu karere ka Gasabo kuri uyu wa Gatanu tariki ya 23 Ukwakira 2026.

Umuyobozi w’Akarere ka Ngoma @NgomaDistrict, Niyonagira Nathalie, yavuze ko abaturage bagera ku bihumbi 255 ari bo biteganyijwe ko bazitabira amatora y’inzego z’imitegekere y’igihugu zegerejwe abaturage muri aka karere, asaba abatora guhitamo abayobozi bazabafasha gukemura ibibazo no kwihutisha iterambere. ... Soma inkuru irambuye unyuze hano 👇 muhaziyacu.rw/amatora/ngoma-…

🎥Inyubako y’amagorofa 18 yari iri kubakwa i Nairobi, muri Kenya, yasenyutse, abantu benshi barimo abakozi bayubakaga n’abanyamaguru bari hafi yayo bagwirwa n’ibisigazwa byayo.

Minisitiri w’Ubutegetsi bw’Igihugu, Dominique Habimana, yasobanuye ibikwiye kuranga umuntu wifuza kujya mu nzego z’ibanze, ashimangira ko agomba gusobanukirwa icyerekezo cy’igihugu, kuba afite ubushobozi mu nshingano yiyamamarizamo no gukorana neza n’abandi. ... Soma inkuru irambuye unyuze hano 👇 muhaziyacu.rw/amakuru/politi…

🎥Ubuyobozi bw'Akarere ka Rwamagana burasaba abaturage kubahiriza igishushanyombonera cy’imikoreshereze n’imitunganyirize y’ubutaka nk'inkingi ikomeye mu igenamigambi rirambye, rigamije iterambere rirengera inyungu z’umuturage. Bamwe mu batuye muri aka Karere na bo bemeza ko kubahiriza igishushanyombonera ari ingenzi mu guteza imbere imibereho myiza y’abaturage no kwirinda igihombo gishobora guterwa no gukora ibikorwa binyuranyije n’ibiteganywa nacyo.

U Rwanda rwakiriye Abanyarwanda barenga 390 bari barafashwe bugwate n'umutwe wa FDLR. Bakiriwe ku mupaka wa Grande Barrière (La Corniche) uhuza Goma na Rubavu. Barahita bajyanwa mu nkambi y'igihe gito ya Nyarushishi mu Karere ka Rusizi.

keyboard_arrow_left Previous keyboard_arrow_right Next

Ikawa y’u Rwanda yongeye kugaragaza agaciro kayo ku isoko mpuzamahanga, nyuma y’uko ikiro kimwe cy’ikawa idasanzwe mu bwiza, itunganyirizwa mu Karere ka Huye, kigurishijwe amadolari 450, ahwanye na 670.000 Frw. Iyi kawa yaturutse mu ruganda rwa K-Organics Ltd, ruherereye mu Ntara y’Amajyepfo, yageze kuri iki giciro mu cyamunara cyateguwe n’Ikigo cy’Igihugu gishinzwe Guteza Imbere Iyoherezwa mu Mahanga ry’ibikomoka ku Buhinzi (NAEB), ryabaye ku wa 22 Ukwakira 2026.

keyboard_arrow_left Previous keyboard_arrow_right Next

Uyu munsi, Irondo ry'umwuga ryo mu Murenge wa Kazo mu Karere ka Ngoma ryahawe imyenda y'akazi izabafasha kunoza inshingano zabo zo gucunga umutekano. Iki gikorwa cyabaye ubwo habaga inama y'umutekano yo muri uyu murenge yayobowe n'Umunyamabanga Nshingwabikorwa w'Umurenge wa Kazo, Kanzayire Consolée arikumwe n'Inzego z'umutekano. @RwandaLocalGov

keyboard_arrow_left Previous keyboard_arrow_right Next

Kirehe: Imvura ivanze n’umuyaga yasakambuye inzu 15 z’ubucuruzi mu Kagari ka Rugarama, Umurenge wa Mushikiri, inangiza insina ku buso bwa hegitari 8. Iyi mvura yaguye ku mugoroba wo ku ya 21 Ukwakira 2026. Ubuyobozi bwasabye abaturage kuzirika ibisenge by’inzu zabo hakiri kare no kwitabira ubwishingizi bw’imyaka kugira ngo bagabanye igihombo giterwa n’ibiza.

keyboard_arrow_left Previous keyboard_arrow_right Next