I’mTurki @0httc

للحزن ساحاتٍ بصدري مثل ساحات القتال فيها الاصيل من المهار تعوّد بخيالها ولا يطفي حر مابي من حرايق و أشتعال الا الدموع الي من عيوني يهل هلالها لا زال فيها دمعتينٍ للفراق ولاتزال ذكرى هنوفٍ كل يوم أحطها وأشتالها

فقدتك ولكن مافقدت الغلا والشوق وحتى لو انك بعيد ، زولك تهيّا لي ما دام القمر في كل ديره مكانه فوق ابرفع عيوني فوق ،، و اشوفك قبالي

ودي اجدد وصوفك بينما كل ماتطري طرالي ما يلي القمر فالارض ولا فالسما ؟ شوف وجهك بعدها جاوب علي

خل صوتي يرتفع مثل الكفوف وخل نفسي تستريح وهدها أنا شاعر مثل ما عينك تشوف والهوى مع القلوب وضدها لو كتبت أسمي على بيض الحروف منت لاقي مثلي ندّها قلت سولف قال صوتي فيه خوف قلت أحبك قال خلك .. قدهّا

عشرين سبعه في عام عشرين عشرين جاها النصيب وعجلّوا في مهرها جتني ودمع العين مافارق العين وخواطرٍ مال الزمان و كسرها قالت شريت إمن المهر لك عطرين وحان الوداع أبشوفتك يا نظرها يالله تسعدها وتبعد غثآ البين وتضحك لها الدنيا بضحكة ثغرها

سلم على اللي طريق العز ماشيته مع درب الاسلاف لا ملو ولا هاتو ناسِ ليا مات ابوهم جددو صيته وناسِ ليا مات ابوهم كلهم ماتو

وش يزعلك و أنتِ و أنا روحين يحملها نفر وقلوبنا فيها حنان أمٍ تضم صغيرها رياضك الخضرا قفر و رياضي الخضرا قفر من حقنا نرعى خزاماها و نارد بيرها لاتزعلك الدنيا ولا تزعلك يالظبي العفر إن كان ماجازت لك الدنيا ندور غيرهاا

لو تشبهين الورد يبقى الأختلاف الورد يذبل و أنتِ دايم فاااتنه

يا ترف ماعاد في بطني معاني لاعبيني واسجعي سجع الحمامة اطربي سمعٍ ما يطرب للأغاني واضحكي لليل ويودع ظلامه وش أبي في البدر و أنتِ بدر ثاني ؟ فيك شامة و البدر ما فيه شامة

ودي أغيب و كل ما فيني يغيب و أتخيل اني يوم ما أتخيلك و اليوم هذا لا حبيب ولا صديق الناس هذي بفلك وحنا في فلك

كل زله على شانك تطوف والعذر بينا ستر و غطا حتى لو كانت عيوني تشوف أنت الصح و عيوني خطأ …

لو يخدعك وقتك و ناسك تخدعك أنا معك لو كل هالدنيا عليك لاتخاف من الحياة .. أنا معك ان ماقدرت أعيش لك بموت فيك

يالله بقافٍ يطلع الرزق منه مثل ما يطلع بالسماء النور لانباج ويالله برزقٍ ما لحد في منه ينسي المحتاج وش كان محتاج ويالله بمحتاجٍ ليا نسد عنّه يذكر مواقفنا بدعوة وهو حاج

لو يوم أحد في وحدتك نادى عليك ثم التفت و شفت ما حولك أحد هذا أنا من كثر ما فكرت فيك ناديت لك و الكل منا في بلد من علمك صوت المطر كيف أحتريك ولا المطر ماجاب لي طاري أبد كم قلت لك في غيبتك وش كثر أبيك اشتقت لك تقول لي و أنا بعد

في طرقتي قابلت ربات الجمال ثلاث كن خدودهم قطعت جلي قالت كبيرتهم هذا الشاعر جمال عز الله انه شاعر ماله حلي وقالت صغيرتهم هذا السحر الحلال حتى فؤادي صار له ماهوب الي حالي بعد مامرني ماهوب حال بطرد وراه ايلين ما يعرس علي بعدين هو شاعر غزل وانا غزال استاهل الشعر الجميل المخملي

يفدى عشيري كل برقا على روق واللي بعيد الدار واللي هنيا ويفداه من يركب الخيل بعروق مع خيل ابن هندي و خيل المحيا ويفداه من يمشي على الأرض من فوق واللي يشوفون القمر والثريا

خذ العفو وترفع عن الناس لو يخطون و من ظن فيك بسوء خله على ظنه

سلام يا كويت يادار السلاطين اخوان مريم مزبنة الجلاوية يوم العرب تركب ظهور البعارين الكويت تملك سفن وخطوط جويه

رفيقي ياللي أعد قسمك من ضمن قسمي خسارتك اي والله أكبر خساره أنا ليا من طحت من عين نشمي تقول كني طايح من عماره

يا أم العيون اللي تنطق الخرسان من شافها قال عين ولا منيّه أنا اشهد إن الزين في رسمة الحجّان حجّان مدري سيوف ربعي الأوليه