𝐴𝑀 @_2llliu

من يوم شفته يبطي و ياتي على مشهاه عرفت ان نجمة الفرقى هلت علينا وطاحت

الحالة الشعورية تتمثل بأنِ : أحس أن ودي أرحل بس ما أدل الطريق مثل اللي يقول "ضاعت دروبي وأنا عاااالق بذاتي ".

يا هلا بك كثر ما أعلنت الوداع عن دروب أشوفها ما هيب لي وعن وجيهٍ تلبس البسمه قناع حدها لمس البساط المخملي يا حبيبي ، والمحاني لك وساع منزلة قلبك .. غدت من منزلي كنت أقول انك شبيهي بالطباع تنعكس في صورتك صورة هلي لين عشتك بـ المحبة والضياع واثر لك قلبٍ " أحنّ منّي علي"

ياماخذٍ تاج الجمال بزمننا في ذوقك الراقي وفي كل مابك وش فيك قطعت المواصيل عنّا حتى وصالك نشحذه من جنابك ! امّا تشد الحبل قبل يتثنّا ولا على باب الغلا ويش جابك ؟ في غيبتك مالدّ منا ومنّا ذكراك تملى وحشتك في غيابك):

طرا لي غزالٍ مع هل الصّنف ماقد سيق لغيره من الخفرات ماعاد لي طمعه يقهوونه غسـال الفناجيل فك الرّيـق  وتقرى عليه النّاس والفتح والجمعه سلبني الفؤاد اللي قبل بوقته ما بيق وحرمني لذيذ النُوم والضّحك والجَمعه ❣️

احنّه عدّ ماحنّت تنهات الشعور حكاي لو إنه مايحن شعوري من البعد والصده يقابله الجناب السمح قبل تودعه دعواي ويذكره الحشى دايم ماهو من مدّه لـ مدّه مابي تاخذه من دربي مقادير الزمان الجاي لو انّي مؤمنٍ بإن الفراق أحياناً ، لا بدّه

"من يلوم اللي خذيتيه من دنيا الضياع لين صار ف قربك يعيش و أختارك قدر و من يضيق به الصدر وانتي عيونك وساع ياخذ من عيونك الواسعه وسعة صدر و الشجاع اللي يقولون فـ الهيّه شجاع قدم رمشك يرفع أيديه و سلاحّه حدر و البدر لا طل في حضرتك زاد الشعاع فوقنا بدرٍ يشعشع و في وجهك بدر"

#محمد_منير_العجمي اللهم اجعل قبره روضه من رياض الجنه اللهم ارحمه برحمتك الواسعه اللهم اغفرله وارحمه وعافه واعف عنه اللهم الهم اهله الصبر والسلوان

كثر ماكنت قاسي انا اشوفك سموح كل حاجه منك شينه .. انا جملّتها حتى تلويحتك يومك توادعني وتروح انت ما لوّحت لكن انا اتخيّلتها - سعد علوش

مادام ان جانبي شام لجنابك وانت عني شمت كثر خيرك وأنا ماني بـ لاجايع ولاضامي ختام السالفه ياطيب العشره كرمت ودمت هذا حقك علي وحق شرهاتي على أوهامي .

ان خسرتك ما على الأيام شرهه أنا من اللي ما يعدون الخساير

رجعت أدوّرك بين الرسايل و الصور و أدعيك و أنا مدري وش اللي من يد النسيان رجّعني معي كلمة عتاب أكبر من أني فاقدك و أبغيك ذرفت حروفها أوّل ما عرفت أنك ما تسمعني .

ياحبيبي بعد طول البطى والإنقطاع المجامل في مجال الهوى مثل الرياء أدري إن ظروف الأيام فوق المستطاع وأدري إن الأشغال ماهي بـ تمنع الاوفياء المحبه بعد فقد الوصل والإجتماع نار شوق ودمع فرقا وتعذيب ابرياء جعل يسقى قبل تترك تحناج الوداع وقبل تنسى الضحكه اللي مخالطها حياء .

صدفه شفتك فيها خير من الف ميعاااد🤍

الى من عزمت تغيب ولّا تقاطعني و همّيت لك في غيبةٍ ما لها رجعه تسبّب بـ شيٍّء للمفارق يشجعني مثل زلةٍ يصبر بها القلب من شجعه لا يطري عليك تلين ولا تودّعني على شان يوم اشتاق تطري لي الوجعه !!

أّلذ الوصّال مواصلك وأحلا ماذيق عسل نحلته شفتك والثغر مسقطها غرامك غض جمّره يفوّح عليه إبريق ترفق على كبدي ترا البعد شاحطها تخبر الدموع اللي سرت من عيونك ضيق لقاها هدب عيني حزينه … وقلطها

من أذرب صيغ الإعتذار اللي مرّت علي بيتين لعبدالله بن مجحود يقول فيها : مرحبا والعذر بشت وعود هندي عيضةٍ لك في لزوم ما تهيّا أنت تبغي حاجةٍ ماهي بعندي جيت راعيها على شانك وعيّا

محبتي له ياعرب مالها قيااااس ❣️❣️❣️❣️

أحاول أبيّن إن وضعي معك عادي وقلبي يدق الطبول ويلعب العرضة .

من سمَع صوتك وهو ضايق من الدنيا ترجع له الضحكه اللي مبطي عنها اااانشهد:)