مـتـعـب الـبـريـكـان @_4nug

على كل حاجه كنت أبيها ولا الله راد سلامي عليها من ضمير سمح منها

يدور الزمان ويختبرنا بدون انذار وتبين الفوارق فالرجال ومعادنها احد خالقه ربي مثل كرسي الطيّار لا حلّت مواقيف الشدايد طلع منها احد خالقه ربي مثل شغلة المنظار يدقق على حاجات ما أحدً درى عنها وانا عكس خلق الله مثل حالة البحّار لا طاح المطر ضيّق على النفس واحزنها رياجيل ندفنها .. وتبقى طوال اعمار رياجيل ماندري بها لين ندفنها بعضهم على المنصب يجمّل وياطا الحار ليا قال كلمة للرياجيل برهنها بعضهم مثل حاكم تحت سلطة استعمار على العرش لكنه .. لا يآمر ولا ينها لقيت الجمايل ردها مثل رد الثار لا صارت من اللي كل فتره يبيّنها خذيت السواد اللي يجي فالقمر معيار تشين الوجيه وفعلها اللي يزيّنها ترا خوة الصالح مثل خوة التجّار لاحبوك .. دلوك اسهل الطرق واحسنها وترا الجاهل اللي ضاع في لفة الدوّار يشوف المخارج واضحه .. ما تماكنها لاقلت: الطريق يمين قال: الطريق يسار لا روّح من ايسرها ، ولا افلح مع أيمنها أساير زماني مثل دكتور وسط شهار أسولف لـ عاقلها .. وأجامل مجننها لاشفت الطيور اللي لا مخلب ولا منقار شكرت الغصون اللي من الخوف تمّنها لاشفت الشعوب اللي بعضها يعبد النار ذكرت الضعوف .. اللي تودد لـ هاينها تقول العرب: صدّق عيونك قبل تحتار واقول: الحقيقه وجهها غير باطنها أصدّق كلام اللي يقول: النجوم كبار وأكذّب كلام عيوني اللي تعاينها ما كل ارتفاع يدل دايم على مقدار تعلآ النسور وجيفة الارض موطنها بدا ابليس فالجنه وعاش النبي فالغار تعد البدايه .. والنهايه تمعّنها لا طاح الجمل لا عاد تنشد عن اللي صار لا خافت قلوب الناس ماتنفع ألسنها قبل تمدح اللوحه تعذرّ من المسمار على الوقفه اللي ما لقت من يثمنها ~عساف ابوثنين

أحبك لو إن حبك يودي لـ مدري وين جعلني فدا حبك ووصلك ومقعادك أحب السوالف معك منا ليوم الدين وأحب التغلّي منك وأموت بعنادك تسولف لي بـ تاريخ جدّانك الميتين وهو والله التاريخ .. تاريخ ميلادك فالح القويضي

الإختيار أصعب من إصدار القرار اللّه يجعلني من أصحاب اليمين مليت من كثر السهر والإنتظار ومتابع الشعار .. والمستشعرين أنا لـ راسي كيف ولفكرى مدار وأقابل الواقع بوجه ما يشين شاعر وأحب الليل وأحب النهار وفالحالتين الله يعيين اللّه يعين من أولوياتي قبل صك الزرار أمّا أتعاطى شعر وإلا كافيين عندي يقين أن الصباح أطهر شعار اللي يفرط فيه ! ما عنده يقين من سار في ركب امرؤ القيس ونزار شاف الحديد الماس والليمون تين المجتمع ماعاد يحتاج انبهار يحتاج قدوة للبنات وللبنين واللي يبي يطلع مطاليع الحرار ماهو بـ مثل اللي لرغباته سجين إذا بعون الله كسرت الإحتكار اللي ما زان اليوم لا بدّه يزييين لاا تلتفت في قولهم طاف القطار العمر ما ينقاس بأعداد السنين ماء وجهك اهوَ الماء وما غيره بخار انشد فطين من فطين من فطين الإنحدار أخسس شيء الإنحدار والإرتفاع أسباب نقص الأكسجين ما أعد من ينظر لغيره بإحتقار أعد من يستحقر المتكبرين من كثر حبي للمهمّات الكبار بلغت أشدي قبل سن الأربعين وشلون أهين اللي لهم قدر ووقار وأنا أحترم حتى قبور الميتين ~فلاح القرقاح

على وجه الصباح أنفض من البارح بقايا ضيق
و أغير نظـرة عيوني عن الواقـع وأجملهـا أصبح بـ أمنياتي و أمنياتي ما تبلّ الريق
ولا تروي ظما روحـي . . ولكني أعللها أعلقها على جناح الأمل وأدعيلها التوفيق
وأطيرهـا وأقـول الله يبلغهـا منازلهـا كبير أحلام وأحلام الكبير أكبر من التحقيق
تهون فعينه أحلامه إذا غيره تطاولهـا :)

@f_lQ8k طيب اخطأ وشاف الحق وتبعه ولا كابر على خطاه وين الغلط بالموضوع ؟! ان كابر على الخطأ انتقدوه العالم وان شاف الحق وتبعه انتقدوه العالم ناس ماعندها شغل فعلاً ، بعيداً عن موضوع هل الخفجي يعتبر سفر ولا لا

اليوم خذ راحتك بس الوعد بكره الارض تكشف خوافيها لدايجها عن صدة الراضي وعن جية المُكره تنبيك الايام لاحجت حجايجها سريرة الآدمي تحت كنف ذِكره نارٍ يكافح لجل صيته وهايجها ياطيب هقواتك ولكن على فكره فالغالب الناس عبّادة حوايجها بتعيف ماتشتهي وتحب ماتكره هذي هي الطيبه وهذي نتايجها ~محمد جارالله

ما يذبح المشتحن خطوات عصريه الي من الشوق قد هو واصل حده ياكـون حـب قديـم . . ومر طاريـه اقفا به الوقت والصده هي الصده ~فارس الحشار

يا استاذي الغالي محنا بناسين الذكريات السابقات الكثيره مرت سنين العمر بالدرب ميتين كانها الغزال الجافل المستذيره يومك تحاسبني على الضرب باثنين ماتدري ان الضرب ضرب الذخيره في زاوية صفك على الاخر يمين ذيبن وتخشاه الذياب الخطيره أهل الصفوف الأوله في الميادين هم اللي كانو عالكراسي الأخيرة

على الوعد ماجيت و العمر محدود و نفسيّتي ، في غيبتك ، لك عليهاا ماباقي إلا ( ضحكه ) تغيب و تعود حتى ماهي بـ الضحكه اللي تبيها

يا ناشد ٍ عني ,, تهيّد وابعطيك اخر خبر يجمد على كل شارب عصر الخلافه غير عصر المماليك لو كل منهم لاجل دينه يحارب وما صار بين الناس نشده وتشكيك لو فالعرب مستعرب وفيه عارب وانا ما افكر في كلام الصعاليك اللي تبي ترقا على كل غارب ما دام كلٍ له رصيد ٍ على شيك شيك رهوى ,, ماهو بلحية مضارب اقول : يا مسكين ماهوب يمديك سهم الوفا والمجد والعز ضارب ولولا العقل قد قلت لك بيض يا ديك وقد قلت طيري يا صغار العقارب لكن لا شفت الوضع يحتاج تكتيك تكتكت له بالمعرفه والتجارب خل الطريق اللي يجيبك يوديك واسبح بحر واركب على ظهر قارب ان قلت بلجيكا تثور البلاجيك ولا قلت صنعا فيض يا سد مارب اما مدامك خابرٍ فيك ما فيك خل اللحى تحفظ حقوق الشوارب هذا الخبر يا طالبه وامسك بريك واحذر تخربها ترى الوضع خارب

زكاة العقل : تهميش زلة قليل العرف والاسراف فيه : مناقشة واحدٍ جاهل لو إنّا ندقق بالحكي .. مانغضّ الطرف زهدنا بسمعتنا .. مع اللي مايستاهل ! ~سلطان بن بتلاء

بين الوهم والحقيقه والزمان الكذوب جمله مفيده وضاق الكون باعرابها ضاق الفضا وين مخراجي ووين الهروب اسأل واهل مكه ادرى الناس بشعابها وجيه تلمع وتشرب من غزير الذنوب ووجيه تشرب سكات وتمسك اعصابها كل الصراحه تدانتت شمسها للغروب با فواه خلق تلوك الحقد بانيابها رمضاي رمضا وتطرقني سمايم هبوب وعيني تشوف البيوت وضاعت ابوابها اطرد ورى حلمي اللي ضاع بين الدروب متي الليالي تهد وترخي ارقابها؟! وين انت يا الصبح كم لك با الظلام محجوب تعال واهزم جيوشه وا كسر احرابها اللي بقى لي من الفرحه بقايا الحروب امواقع ارض بقايا الموت بترابها امواج وقتي تقاذفني شمال وجنوب محتار كني قضيه مات طلابها! في دفتر ايام عمري كل شي محسوب لي قصة لا اختليت بنفسي اقرابها مؤمن وهذي هي الدنيا نجاح ورسوب القسمه اللي من الله لازم ارضابها كلي محبه لو ان الحزن من كل صوب وكلي دموع تصب الوجد لا حبابها احب واعشق واظن الحب ماهو عيوب لا شك بعض القصايد جرحي اولى بها ~متعب الركابي

يارب .. لامن صاروا العالم أشباه ميّزني .. انا ما اقدر اعيش عادي ~محمد ماجد الجهني

ضونا يسفر سناها من بعيد كنها تومي على الطرقي تعال

يقول مبارك بن رادعه: حنا كبرنا على المشروه والانتقاد سمّه تغافل تجاهل سمه الي تبيه حتى الرفيق السنافي والرفيق الحشاد من خيّب الظن منهم ما شرهنا عليه يمرنا يعتذر عقب الزعل والعناد ويروح من عندنا ماسمع شرهه وليه إن قال كبوة جواد؟ نقول كبوة جواد وإن قال طيحة جمل؟ قلنا جمل ماعليه

في مكانٍ زهت بـه ضجـة الجلاس انا وحدي جليس الشعر و الكرسي

رفيقي اللي كنت اظنك ما تغيرك الظنون انا اعتبرك الصدمه اللي قدّر الله صدها خنجر و حدّيتك و وريتك مضاريب الطعون ويوم التفت الها بـ جربها جرحني حدها ! كان اكبر من المستحيل انك تطيح من العيون وانك لو انك طحت منها سال سيل سدها وساعه مطيحك يوم هنت العشره اللي ما تهون والله ولا دمعه من دموعي لقيتك قدها ~فهد قطنان

عن اغلا الرسايل والمشاوير والساعي تغاضى وخلّ جروحك الباقيه يقسَن انا اللي رجعت ورجعتي .. مالها داعي لو اني مكمل خطوة الهجر كان احسن خذ من تجربة فهد الحماد عظه وانتبه لاترتخي 🏃