ٍ @_Qxv1

تباطيت المسافه ما تعب قلبي من الترديد أحبك كل ما اعلنت الغروب و تعلن اشراقي

كن الرياض من البطى ناسيتني وانا قضيت ايامي البيض فيها لو دوّرتني في سماها لقتني اغني بيوت القصايد عليها

حالي تدانا عليك ويبست اوراقه وانا اتحراك تنعشني وتحييني من ذبّل المبسم الي ما احدٍ ذاقه وش ذا الجفا والتجافي يانظر عيني ان ماحصل عشرةٍ ناخذ بها فاقه نسعد بها دام انا وياك حييني

كان مطغيك التغطرس وطيشك الغرور ياسبأ عرشك من اللي بعفريت سلبه مامعي خاتم سليمان لكن بالشعور اقدر اخذ منك ثوبك وقلبك منتبه

#الليله_قماري

انا ماني بقيس اللي يغني في ذكر ليلاه انا اللي ساتر حبك مثل ما يستره ثوبه

حلم تلاشى وقفلٍ ضاع مفتاحه وجدية الحزن ماتحتاج جديه استأمن العين واثر العين فضاحه طرى لها شي محدٍ جاب طاريّه مدري تعاظم كبر جرحه وجرّاحه ولا البطل دايم جروحه بطوليه

انا على نور وجهك ليلتي قمرا لو يجي الصبح عادي ياقمر عادي

يبدو ان الشوق وصاني عليك وصايه لا اللقى يشفي غليل ولا المعانق كافي هذا انا في كل يوم اصحى وعندي غايه لاجديد الا اني اعدي على مشرافي

العمر مره والمساعي توافيق والله يعوض كل من طال صبره

ليه وجه الصبح ينشدني وكنه داري وين خلك ليه ماصبّح على اغلى ناسه والله ان الصبح ماجاب لغيابك طاري بس انا مشتاق وابغى احطها في راسه

قلبي مهوب مسخر نبضه لورد فيه شوك ونفسي ماهي مرهونه لضيقة عصير ولاعصر حتى الكلام الي يعقّد حاجب الوجه الضحوك احب اقوله بالفم المليان ما احب اختصر شاعرك مهما قال فيك من الغزل يابنت ابوك ماهوب عبد لسلهمة عين وتثناية خصر

كن صدري ديرةً من جملة الناس مهجوره الدهر جفف مواردها وعشى في طرفها

جعل السنين فداك من سفر الى غرة سفر وفداك حامل مسكها وفداك نافخ كيرها سرقت منها ماسرق خصرك من الظبي العفر الي تثنى له سنابل برّها وشعيرها

ابو مبسمٍ يذبح وابو عود ميالي وشوفه خطر والموت والسحر بعيونه متى ياحياة الروح تشفق على حالي تحيرت والأيام ماهي بمأمونه

الشَّوق : ضَيفٌ لايعرفُ آداب الزيارة

ياراعي الوساع السود ياناعس الخمري علي الحرام اني على شوفتك ضامي ياراسي وياصالب عظامي وياعمري يجيني بلا لاشفت صورتك قدامي

لاجابك الحزن في بالي ضحك سني حتى الحزن لادخلته يجبر الخاطر

شبع قلبي من ملاوع الضيق والتفكير إلين اكتفى ولا انت ماينشبع منك