راشـد @_RH66_

أنا وياه وأحداث الليالي مثل غصن وطير ليّا غبنا الصبح ، فـ الليل كلٍ يرجع لـ دوره وأثر صلف الزعل بالذات مايشبه نسيم عصير كسر غصن الشجر ، وأركى عليه ، وطار عصفوره رفيق الدرب .. تذكرك الليال الموحشة بالخير وعينٍ لا تناست شافتك وسط القمر صوره وقلبٍ لو يسولف عن شعور بالهوى للغير تسافه كل قلبٍ مايخون وطاهر شعوره لك الله ماذخرتك عن مدارات العمر تقصير اخافك دون هقوات الشعور ويانع زهوره على اني كنت مؤمن في كفاح الشخص للتغير كفرت ان قلبك يغير مع الايام دستوره يصبّرني على بعض الشعور انّك لا زلت بخير انا احوالي ليّا منك غديت بخير .. مستوره

ادفنوني في زوايا الذاكرة وانسوني مثل ماينسى نهار اليوم حزة بكره ودي اغمض على دمع العيون عيوني واقفل اذني عن جميع اللي تحب وتكره خاطري سامح وخابت هقوتي وظنوني  مثل طير فارق سبوقه وفارق وكره اعتذر للي كرهني قبل من حبوني يمكن ان الكره صادق والمحبه سكره والهقاوي لاتعدتني وطاحت دوني مابقى فـ مراحي من البل قعود وبكره كثر ماخفيت عن وجه الزمان طعوني كل فكرة بيت تطلع من وراها فكره يامسافات التعب في صوتي وفي لوني الطريق بعيد والايام حبل ومكره

ماطاب جرح اللي هوى بنت الأجناب لو حبته يظهر من الناس حجير هذا بلا الحب و بلا أبوك يا عقاب وكان المحبه ذنب فالبعد تكفير في ساعةٍ ماكنت حاسب لها حساب ماكنت احسب ان الذي صار بيصير تدري وش الي يكسر قلوب الاحباب حكم القدر لاقال ، لـ فراقهم خير صدمة وجتني والزمن كشر انياب والوقت تكشيره ماهو بأي تكشير ياقلب لاتشره على كل من غاب من راح من كيفه يجي دون تبرير جاني من اللي كنت احسب انهم اصحاب شيٍ عجزت القى له ان ضقت تفسير والخاطر المكسور يا عاذلي طاب والوقت ماقصر محى كل تأثير والي يعيش بديرته عيشة اغراب يقطع على شان المحبه مشاوير

أحنها حتى من البيت الضعيف ماتستحق الا البيوت الهايله مزيونةٍ في عينها الموت المخيف وأندى وأرق من الغصون المايله اليا وطت جرد القفور تصير ريف كنها من مزون السحايب سايله مرٍ تكون ألطف من الجنس اللطيف ومرٍ ترويني نجوم القايله وان لاح برق الوصل في عرض القنيف ولا جلينا صوب ديرة وايله قد ضاع قلبي بين رمح وبين سيف عجزت أحايلها عليه محايله من غربي الساحل ليا شرقي عفيف بنت القصيد الصايله والجايله من ذروة التاريخ والسلم النظيف اتخايل المجد التليد مخايله جدانها اللي ما تقاضا في الرديف الله خلقها لـ الفعل والطايله حتى الردي بيعانق المجد الشريف لا ضاف اسمها وسط كرت العايله

يا عذاب القلوب التايهات الضوّال قلبً يفز لك بين الضلوع ، انتله سعد ابو من يشوفك كل مبدى اهلال وسعد من تحتريه وسعد من كنت له ومن تناديه عم ومن تناديه خال ومن تشره عليه ومن تزينت له اشرق الصبح منّك والتفت لك و قال اشكر ام الثقل والذوق و الجنتله

القصيد اللي يسمّونه قصيد الله يديمه كنّ فيه الشاعريه من يدورها وجدها ودي أعطيكم قصيدة تعطي الموضوع قيمه للي يقولون أسلّم ، واللي يقولون عدها قمت أراجع ذكريات الحب لو مافيه شيمه وجاتني بعض البيوت اللي تجي على وعدها فاقد لي تحفة نسيانها ذنب و ظلیمه الوطن هذا وطنها ، والبلد هذا بلدها الشموخ اللي محبتها ولو غابت مقيمه بينها وبيني مقادير الزمن تبذل جهدها هي عظيمه بس و الله مادريت انها عظيمه لين قالوا ما يعرف الحاجه الاّ من فقدها " قمت اشك انّ رمشها غيمه - وهو ماهوب غيمه وقمت اشك ان الهوى وهو الهوى يوجع جسدها وقمت اشك ان ريحها ريح المطر ولا نسيمه وقمت اشك انها كذا من يوم كانت في مهدها من غلاها ؟ اعتبرها مثل الاحجار الكريمه ضعت بين أعظم مفاتنها - وتسريحة جعدها في بعض الاحيان كنّها ترتكب فيني جريمه بالدلع، والضحكه ، وبعض الامور امر وادها ثوبها اللي تلبسه ذنبه مثل ذنب النميمه خل عاد ان مال مبريها من اللين وجحدها بنت رجال مضريها على ذب الخريمه كثر مافيها حيا - كن الحيا فيها وحدها كل يوم تقول ذا البنت معزومه في عزيمه كل حاجه تلفت الأنظار كنها تعتمدها التفاتتها غنيمه وابتسامتها غنيمه من اللي باقي من بنات ادم وحوى ما حسدها ؟ قد وصلت لمرحله فيها الطواري مستديمه اي شاعر لا تغزل قلت يمكنه قصدها ! حبها نار حياتي فيه واكل من جحيمه عنده اصابع يدي ماني بـ عارف كم عددها والله ان حبي لها سليم والنيه سليمه من قبل لاتعرف ابو بنتها وابو ولدها اول ايام الهوى كانت علاقتنا حميمه واخر الايام قامت تنتقدني و انتقدها رغم كل اللي كتبته ؟ فرحتي فيها يتيمه ماهو بـ مرضيني الا قلبها من عند يدها في هواها ما كتبت الا غزليه قديمه وحده ، ويمكن ماعاد اكتب غزليه بعدها

فمان الله ودموع الشجاع مجري الهياب تراها ما تهون إلا على اللي موته مصيبه على فقدٍ ما يرفاه الرجا في رجعة الغيّاب فراق اللي تناوشه الفنا والغيبه الغيبه لو إنك يا حبيبي غالي ودمعك له الف حساب وغيرك في البنات البيض ما اعجبني ولا لي به خذيت من الفرس والصقر والدلة شبه جذاب وصوفٍ لو تمعنها قوي الدين تغوي به عيون ورزة وعودٍ ما تستر فتنته بثياب ووجهٍ لو تحدا البدر حط البدر في جيبه عسى الله ما يعاقبني لو إني ماني بكذاب ولا يجعلني اللي ذكر ذنبه من عذاريبه صحيح إن الموادع حط في قلب الشقي مخلاب لكن يفداك قلبي يا اول وآخر معازيبه اعرف إن الجروح جروح ما فيها جروح أعذاب لكن شيٍ بيبقى منك لو هو جرح ودي به هذا آخر ما سمع مني وعينه دمعها صباب ووقف والحزن في خافقي يلحق مشاهيبه لو اللي يلحق العاشق من الفرقى عليه يثاب ما والله اغبط اللي معتكف شهرين في طيبه وإذا قلت إن هواها في خفوقي فص ملح وذاب وطيت ديارها وافتر قلبي في محاديبه وإلى مس الحنين اقصى عروق القلب مس اطناب عرفت إنه يمثل سجته وإن الوفا عيبه أنا مثل الكسير اللي يشوف إن كسر رجله طاب ولا يدري إن عاد الكسر باقي لين تمشي به يا ليت اللي يروح يروح ويسكر وراه الباب ما يترك باب ذكرى تخطف العاشق وتدوي به يا بحر الكوت لك مني سلام ومقتفيه عتاب على شاطيك كن الحزن ينطحني بترحيبة تذكرت العيون الناعسات وسلهمة الاهداب تقول إن في حورها واحد يسولف عن الهيبه جعل يسقى علي ليلٍ جمع في ضفتك الاحباب هذاك الليل من بدة ليالي العمر يا طيبه عسى ربٍ جمعني به وحنا من بعضنا اغراب يسججني غلاه الذرب ولا زيد ياتي به

تعدّي حقوق الغير نوع من الاجحاف ووجهك بزّغ مع بزغة الشمس عالضفّه ياشبه الندى يا الطف من النود والنفناف انا عايش برغدك .. وفي ريفك مرفّه ليا ابدعتي بطلّة محيّا .. بدعت القاف وجتك أعذب الابيات بالافواج مصطفّه دروب الهوى ضيعة عمر كذبة الاسلاف انا اشوف عينك قاعه .. وصوتك الزفّه بعيداً عن النهـج وخروجاً عن الاعراف انا ودي اخذ فيك فوق السما لفّه

يا ظلمة الليل وش يستر جروح الغياب لا قفّت الشمس في وجه الحزين أقبلي مهما تظاهرت في العزلة عن .. الإكتئاب ما زلت أعاني معى طاريك من ما يلي وحشة خلاوي ، ضريبة حب ، جرعة عذاب و أشياء تقدر تضحكني .. وتضحك علي وجيه الأيام ما تسمح لـ سمح الجناب ناادر تحصل لك سنافي و قلبه خلي أشعر بـ صدمات ناتجها قلق ، وأرتياب وهموم .. لو ينجلي الديجور ما تنجلي جهلت وجه الفرح و أنا بـ سن الشباب عسى العذر في صغر سني و كبر جهلي عن طاري الهجر لو يفتح من الشوق باب شبّت ورى الصدر نارٍ .. جمرها يصطلي طعون الأحباب تاخذ من طعون الحراب منها العيون أتهامل ، و الصدور أتغلي من سطوة الشوق صرت أفخر بـ طرد السراب لو كان طرد السراب .. نهايته مقتلي على دروب المحبة سايقين الركاب مافيهم اللي ورد لـ الحوض قبل أجملي و من يوم ذقت الفراق وضاع حرف العتاب و أنا . . ولي الجروح اللي ما تلقى ولي

على كثر القصيد الي كتبته فيك مازلتي تعرفين القصيد الي مُحال انشرْه لـ الساحه قصيدٍ مستحيل انه يجي داخل مفضلتي قصيدٍ لو نشرته يوم؟ ما تنفعْه مسّاحه أجيك .. وما معي إلا سؤالٍ في مخيلتي واروح .. وما جنيت إلا تعب مابعده الراحه يـ عيني، خُفي دموعك تراك البارحه سلّتي خلاص، إليا متى تبكين دامه عايش افراحه يديني، ياكثر مـ انتي من دموعي تبللّتي وهو يا للأسف كذاب لو بيّن لك صياحه عشانه؟ ياكثر مـ انتي بنص الليل هللّتي مـا بين احزانك الغبرا، وسجاده، ومسباحه عشانه؟ ياكثر مـ انتي من الأحلام قتّلتي وجاك اليوم متقوّي عليك ورافع سلاحه تركك، تنازعين الموت .. لين انك تحللّتي ولا فكر يجيك بيوم حتى تسمع نييياحه ياليتك، قبل مايدخل مع البيبان قفلتي ياليتك، ماتهورتي وسلمتيه مفتاحه ياليتك، يوم صار الريح وقفتي ولا ملتي ياليتك، ماشعلتي له بنص الليل مصباحه يكفي .. واكفي احزانك تراك من العنا نلتي عنا لو ذاق نصه يوم بان اليوم مرواحه سألتك وابتلشت بـ صمت ماجاوب على أسئلتي وانا ما كني الا طير .. لكن فاقد جناحه جليس وحولي، احزاني، وفوضايه، ومهزلتي وقلبٍ كل ما داويه، ترجع تكثر جراحه وعلى كثر القصيد الي كتبته فيك ماقلتي أمانه .. كيف يدينه تصير اليوم لواحه

@Judy2765 وعلييك

نسم علي الهوى من مفرق سهادي وفاض النهر لين ما بلل طرف جرفه يْلج باذني عويل و آه أصفادي كل ما تحركني إن مر الهوى رجفة أرهقني تفكيري اللي زاد إجهادي في ذنبي اللي أحبه كل مَا اقترفه ما بين أحبك حرام وصدقها البادي قالت ملايكتي شنكتب على كتفه أنا ضحية صراع النفس وعنادي أنا اللي قوة قراره سببت ضعفه خليتك تروح مثل اللي رجا منادي مشى شوي ، التفت ، ما في أحد خلفه يا قوّ قلبي ، مواطن نافي بلادي من بعد ما شلتها في داخلي لهفة كنت أحسب ان الفراق وغيبتك ؟ عادي إليين ذقت المرار اللي بعد قطفه وش كان مدريني ان الغيب جلادي لو اعلم الغيب ما أمنت بالصدفه من دورة العام أعرف يوم ميلادي ويمرني يوم موتي بس ما اعرفه

على وجهك من إسهاب الكلام ولوعة الكتمان مايجبر شاعرك، يغوي بشر و يهيم في وادي عرفتك و الهوى طيشه عنيف وضحكتك طوفان بغيت أقاومك و اللي يقاوم ضحكتك غادي على غفلة من عيون الحرس يادرة النعمان عطيتك مايفرح صاحبي ويغلّ حسادي أحبك و العمر صبره سجين وسطوته سجّان مع غيرك؟ حدودي ثابتات ومعك متمادي تشوف الليل و الصبح الندي، وأشوفهم سيَّان معك مانيب أشوف إلا الجروح ووجهك الهادي تناسى ضحكتي ، شعري ، ظروفي ، بيتي الريان و لكن لا تناسى وجهي ، و تاريخ ميلادي يهون اللي يصير إن عاد لي وسط الوطن عنوان يجدد سيرتي صبح الحنين إن غطرف الشادي

@w4373246659623 مدري

مدامك في ذرى قلبه عن التعزير والاجحاف بلاش تُخاف من جور الطريق وضيعة دروبه شجاع ماترك عمرك يمر بحالة استنزاف نهارً به فناجيلك من الصوبين مشروبه تحامى دون ضحكاتك غلا يانادر الأوصاف معن نفسه وهي نفسه على الضحكات مغصوبه ياذل الشامتِين الي تحاوط قلبك الميلاف ويا عزّ الشامَتين الي يمين العنق منصوبه سليل الي تعداها الردا من شيمة الميقاف ماهي بشوي تهضم حقها وتقول مضروبه من امجاد الصريف وثورة العشرين والشوّاف ما يستاحش ليا شافك تطرّي راس مشذوبه اشوف النعمه الي في يدك والله ماتنعاف شعورك كيف له عين يتوجّد نوبه ونوبه عقب زلّة لسانك تحسب انّه بالتعامل جاف حبيبك لو يشين بْه الزمن .. ما غيّر أسلوبه ياخوفي ينكسر قلب رزين وماعليه اخلاف يثور بْه الحزن من كلمةً ماهي بمحسوبه عليك اللّٰه وامان اللّٰه ترفّق والمحبّ يخاف على ادنى مايجي منك يحس الكل بارو به كريم جاد من قل المعاش وقلة الإنصاف ابي وشلون يبخل في سلامه وانت محبوبه يجي مثل السلام الي يهندم دعوة الطوّاف من يلومه وضحكة وجنتينك فاتحة توبه

أعيش في حالة أستنكار ذات و شعور و وصلت نقطه غريبه .. ما تصورتها أحس روحي لحقها قل جهد و فتور من كثر ما أحترت فأحلامي و حيرتهّا عودتها كل من يبعد بعيد .. أمعذور و عمرتها بـ التسامح إلين دمرتها أنا قبل ساعتين و عام و أربع شهور نفذت من غلطة الشاطر و كررّتها

عسى كل العلاقات القديمه والليال السود فدا بنتٍ مشاعرها جليد وصوتها دافي عظيمه كنها الدين الحنيف وحلمي المنشود كريمه كنها يمنى الكريم وخيرها ضافي أنا وشلون أقفي وأتجاهل كل ميلة عود وأنا أشوف أنها لذة حياتي وأول أهدافي

مرحباً يالزين و الساس المعرّب ما ابغي الا انتي لو ان الغيد واجد يابعد من عمر بقلبي و خرّب يوم جيتي فزعتك فزعة مواجد ابتهل لله تعالى و اتقرّب و اطلب الله قايم و راكع و ساجد و جيتي لـ دنياي مبعوثه من الرب انطلاقة خاطر و ضحكة نواجد يالغلا اللي في شراييني تشرّب و اجمل انواع الجواهر و العساجد لا حضرتي كل مزيونه تهرّب ما بقى للزين مع زينك تواجد كل زين يطرب اللي ما تطرّب يعترض لَك مبتجح و يروح هاجد في وصوفك شرّق الشاعر و غرّب عند زينك شرد الافكار اتراجد ماخذه من سطوة السيف المجرّب و فيك من روح السكينه في المساجد تستريح الشلف و الرمح المذرّب رمش عينك حد سيف و كف ماجد لك قريع بالمقرّع ما تضرّب من يدوّرّ مثلها ماعاد ياجد اكفلي البيت اليتيم اللي تغرّب و يغدي بيتٍ من بيوت الاماجد

ما شفت تلويحة كفوف الراحلين بس الوكاد غيابهم شفت وجعه كيف اتخطى الشوق وانواع الحنين هي والله اللي ما وراها منفعه غنّيت في ضيقة عصر قبل سنتين قافٍ يحرّك ساكن اللي يسمعه والليل هذا جدّد الماضي إلين مرّيت في كل الفصول الاربعه انا اتحرّا الصبح لي حول شهرين تعبت وانا اردّده واسترجعه حرصي على خافي ضميري لا يبين خلّاني اعيش بصراع ومعمعه ما هي بـ لا مرّة ولا هي مرّتين يفز قلبي من ضلوعي وامنعه اللي قدرت اوادعه وانا حزين طيفه ورا حدب الضلوع مودّعه احن له ماهو لكل الغايبين واعيش جو الضيق والدنيا سعه كن الشعور اللي ورا صدري سجين حلم الصغير اللي عجز يكبر معه

تمهل وشرهات الستاير على الأنسام جروحٍ غفت في غفلتك لا تصحيها أنا اللي فتح شباكك وطارت الأحلام ولا تحرق الجمره سوى رجل واطيها ترى شعرة اللي بين الأحلام ، والأوهام إذا ما تفرّق بينها .. لا تساويها يجوز ازعل لكني أرضى مع الأيام أنا سهل ، لكن البشر من يراضيها يقولون لي قدر الهدايا ، قدر من سام وأثاري الجروح اللي على قدر مهديها يا كم غالي الله حط فيه الشعور ختام توارى مثل شمس العصر في مغاليها مِن اللي مضى ما غير وجهه هو اللي دام على الذاكره مثل أغنية كنت أغنيها لو يعود بي عمري ويسترجع الأعوام ما لمت كفوفي غير لحظات غاليها تظل السنه وأغلى التواريخ محض أرقام لكن ما يخلّدها سوى ما جرى فيها