١ @_fa5ii

عقب البطا .. ماني بـ قايل تأخرتي ياما من الشوق كنت اصنع لك الحروة يا مرحبا ، يا هلا بك .. عدّ ما غرتي من غاويات القصيد وطاري النّسوة وماني بـ بقايل فحق الوصْل قصّرتي ! بقول عمري لـ مبسم هالوجه فدوة تتغيّر الناس .. وانتي ؟ما تغيّرتي للحين وجهك جميل وبسمتك حلوة

يامجمول ماحنا من الوقت مرتاحين ظروف الليالي كل يومٍ لها طاري ㅤ ليا جيت يمك عطني من القصيد الزين وسولف علي ولا تنشد عن اخباري ㅤ سوالفك خمرٍ منقطع من نبيذ التين ونظرة عيونك طلقةٍ من يد مثاري ㅤ انا اجحد غرامك وانكره والعرب دارين ياكثر جهلي يوم احسبٍ ماحدٍ داري .

مالقيت اصعب من الفرقا على قلوب الولايف ومالقيت اصعب من علاج الخطايا بالخطايا والفراق اللي بدون اسباب يازين الوصايف اوجع فوادي وعذبني وسوا بي سوايا كل يوم اقدم اعذاري والحّقها الحلايف وانت ماتدري عن اللي صار ياعذب السجايا الوكاد اني على شانك تعرضت الحتايف والوكاد انك خذيت القلب…

في رحاب الارض .. ساعات دقايقها ثقيلة يتساوى عندي اللي فوقها بـ اللي تحتها التظاهر بـ الفرح .. غير التظاهر بـ الفضيلة اتركوني مثل ما اعرف نفسي اعرف مصلحتها ودي أبعد عن جدال وودي أقرب من جديلة لين أجدد في زوايا البال .. ذكرى راعيتها

قلبي اللي كل ما سج عوّد في عناه وحالي الي لاتشالى من الحزن انطوى ونتي ونة يتيم تغالط في حكاه كل ماسولف عن أمّه من العبرة غوى مات ابوه وماتت امه وربوه قصراه ماله إلا عمة ما طلب قالت لوى وعيني اللي كن فيها من الفرقى قذاه من نشدني قلت ما غير لافحها هوى

هذا قلبي المنقاد يـ العارض المنقاد لو انه يغرك فرق حجمه وتكوينه امرك وانا مستبعد فكرة المعواد ويغلب علي وجه الشبه بينك وبينه يا غاية مراد اللي يشوفك أحق مراد والأحق في بسمة شفاته وماء عينه ملكني غرامك لين صرت أملك أستعداد أناصر ضحايا الحب وافهم مجانينه .

يا سيّد الليل لا غابت . . مصابيحه يمّل بك انك على الهقوه ويمل بي الحب ما جض منه . . الا مجاريحه اللي هواهم عفيف وحظهم سلبي ما تجتمع في الغلا ضحكه وتلويحه اصدر قرار الفراق . . ولا تحيّل بي ! الله معك وان حداك الوقت لـ الطيحه تحّد كل الظروف . . وطحّ على قلبي .

يافتنة الارض من يلحق تواصيفك وانتي صعيبة منال وزينك اعجوبه في واجب الحسن يامكثر مواقيفك ماغيرك اللي يوقف دون مطلوبه مابين روعة شتاك وعاطفة صيفك يطمع بك التايب و يشتاق لذنوبه قصايدي فيك نسخه من سواليفك سوالفك في بيوت الشعر مكتوبه

ياليت استخرت ولا على مفرقه عديت لك الله يا بعض المشاوير تبلا بي وانا كل ماغاب الشفق عن هلي صديت على شان ما ينشاف حالي ويدري به تولعت به واشقيت عمري وله ضحيت لكن النتيجه راح عني وانا اولى به ياليت القلوب اتشيب قبل اللحى ياليت ترا اغلب مشاكلنا من القلب واسبابه .

من عيوني يا مطاليب انطوائي و اكتئابي اخذي دموع الحنين بحضن و النوم بيدينه و استبيحي زهو عمري و اقطفي زهرة شبابي في غياهيب السكون اللي ما فيه ادنا سكينه و اقفلي بيبان ضنّي و استبدي في عتابي و اسألي عن كل غايب ما قدرت انساه ،، وينه ؟

سادك الحزن يا وجهٍ من أوّل ضحوك رحت محدٍ درى عن روحك المُنهكه شاحبة بسمتك وش فيك ؟ لافض فوك بسمتك بسمة المهزوم في معركة المشاعر لها في كل موقف سلوك غالباً كل لحظات القلق مُربكة للهُدى درب ما حوله تدور الشكوك أعْرف أنّه هُدى لكن عجزت أسلكه .

شحَّت بروق اسمك، وجفَّت مرابيك واِجتاحني عقب الزعل ما تهيَّا أعْرِفك وأجهَل ما بقَى من مشاهيْك وأقوْل -يا كلّ المشاوِيْر-: هيَّا عذب المحيَّا، لو تباعَد حراويْك أنْسِج لك دروب السفر في يديَّا قلبٍ تعلَّق في هَواك، ومسارِيك.. حاوَلت فيه يحبّ غيرك.. وعيَّا

« البارحه يوم الهبوب استدارت هبّت شمال وضِيقها في حناياي ذكرت منهو لو الاحباب بارت يبقى غلاه بداخل القلب وياي اللي عيونه عن .. عيوني توارت قولوا له اللي راح ما يشبهّ الجاي منساه والله — لو الأيام جارت يا كود ابسلا عن صلاتي ودعواي ! »

على كثر الوجيه الغايبه عن راسي المزحوم حضر وجهك .. نيابة عن عموم وجيه غيَّابي يعسّ بـ قاع بالي فيضة جروح، ومناقع لوم وينصب له خيام من السهر ويطيّر أسرابي خذاك الحلم من نوم العوافي لين صح النوم وخذاني ليل لا جيت أرقده وقّف على أهدابي

أرسل لي أسئلة مجهولة المصدر tellonym.me/_f.a5ii

يا هوى البال عاقبت المفارق وخيمه ما يحسّ بوجعها واحدٍ ما شعرها يونس الموت من غاليه يصبح خصيمه و يستلذّ الحياة اللي ما نازع خطرها من يشوف انتصاره في غيابك هزيمه فرحةٍ عاشها دونك كسرها ، كدرها من يعيد اوَّل ليال الفصول القديمه ليلةٍ من مشاعرنا ؛ قطفنا ثمرها

أعرف أحبك فعل و أعرف أحبك كلام إلى ؟ متى أحبك أسمعها ولا أشوفها ما روعتني سيوف العالم بـ شكل عام قبل ؟.. لا تشهر علي الفارع سيوفها بيبان صدري عليها مثل : باب السلام في البقعه إللي ملكها يخدم ضيوفها هي توم قلب الحزين الميّت من الهيام وش توم تعني لها ؟.. لو أقلب حروفها

لاتغيّرك الليالي .. ويغريك الغياب وتحداني والجفا منك حاديني حدي نبض قلبي يوم ودّا .. ونبضه يوم جاب مايقول : الا عسى الله يسامح ويهدي وين أيمم شوف عيني وأنا اخيلك سراب كل ماضميت زولك تلاشى من يدي! مذهبٍ حالي بطاريك يامال الذهاب مابقى فالقلب من سبّتك عرقٍ ندي

ماقدرت أنساك يالوجه الجميل الراضي و أنت جرحك فـ الهجر مالكني بـ معروفه الجفى حكمه علينا مثل حكم القاضي لين .. ما صارت تفاصيل الجفى مآلوفه لا تقول إني عن شعور الهوى متغاضي تدري إن نفسي على يوم الوصل ملهوفه ليت عندي قدره أرجع لـ الزمان الماضي و آتأمّل في جمال " الصوره المحذوفه "

وعن الهروب اللي رجعني لــ نفس المكان يقول فواز عواض: «ياغايبة.. مابغى ملامحك تنعاد انا خلصت من الفراق.. وبكيته سافرت عن طيفك من بلاد لبلاد "ولا وصلت لديرة ..الا لقيته »

العتيبيّ @d511y

3 weeks ago

وعن الهروب اللي رجعني لــ نفس المكان يقول فواز عواض: «ياغايبة.. مابغى ملامحك تنعاد انا خلصت من الفراق.. وبكيته سافرت عن طيفك من بلاد لبلاد "ولا وصلت لديرة ..الا لقيته »

79 18 475 79K 157

Download Image