R @_rmr2

أمشي على دربك العطري واعرف انت وين الناس تترك خطاوي … وأنت تترك عطر❣️

من يزرع المعروف لابـد يجنـي ومن يفعل الإحسان يجزى بالإحسان واللي يـريـد المـجـد لابـد يبنـي في قلوب وعقول المخاليق بنيان

صحيح الخطأ وارد لكن الأسف مطلوب ماهو بعيبٍ لا زلّيت ثم جيت متأسف لكن لا تحاول تلبس الثوب بالمقلوب تزيد الخطأ بعناد و تصير متحسف

عمر العنب .. ما شال هم العناقيد ولا درت عن ضيقة الأرض غيمه ولا شكى كثر الوطى .. واسع البيد ولا جرح وجهه الحيا .. قِل شيمه العقل نعمه .. والقناعات تجديد وافكارنا ما هي بـ دايم .. حكيمه بعض الوضوح احيان يحتاج تعقيد لأن الحياة اصلاً ما هي مستقيمه

يكسبني الكلام الواقعي والجانب الزين وردّي العقل بالذات ماهوب كاسبنـي

جاك الغلا اللي ماحصل قبلك لمخلوق ولا ظنتي عقبك من الناس حاصلٍ له ..❣️

من تخيّر دربك المهجور عن باقي دروبه لاقيٍ بـ عيونك الثنتين مضياف وكرامه لا تلومه لو تشوف الصمت ذنبٍ من ذنوبه وش يقول اللي يشوف احساسه اكبر من كلامه واحدٍ مهما تضيق بـ عينه الارض الرحوبه ما يبينّ في عيون الناس ضعفه و إنهزامه

كـلٍ على نيتـه يلقـى توافيقـه وكـلٍ على سـوء ظنه يلقى شقاه

عقـلي الـراكد يمشـيني عـلى أصـح اتجـاه مـا تمشـيني الـريـاح ووين ما ولت أروح يجـذبنـي الـكايـد اللـي مـا لـه أشبـاه الـلي مثـل عـقلي وثقـلي وانطبـاعي ..

ادري ان الـزمن ماهـوب دايـم لحـد وادري ان العـمر فـالوقت رحلـة عبـور لا تنتظـر مـن وفـاء لا تنتـظر مـن جحـد الفـوز بالاخـره والجـنه .. اكبـر سـرور

من لقى مني البشاشه والسمّاحه واللسان الذرب والهرج القراحي م الومه لاأنكسر صوبي جناحه محدٍ يستمع لي ويروح صاحي

@a3yt8 أحبه ولا لي من ورى محبته مصلوح وأضيّع زهر عمري وأدور على صوته ولو ماتكلم والله إنه هو المسموح عن أحلى كلام الناس يكفيني سكوته

واحدٍ من كثر ما الله مالحٍ منطوقه ودك تسولف معه و لا تذوق العيشه❣️

أنـا لا جيـت ما جـيت أطلـب مردود وجـودي لوجه الله، مافـيه مصلحـة أكـون ظـلٍ خـفيف وسـندٍ معقـود أداوي القلوب اللي تثـقّل جروحـها وأبقـى طمأنـينة ليا ضاق العـود مـثل الغيم يمـطر في قلوب شـحوحها

فـ الـعمر بين الـتراجع والتمـادي عـقلك احـذر لا تنقّص من مقـامه اعتـذر، عن كلّ شيّ الا الـمبادي واعتـدل، في كلّ شيّ الا الـكرامـه

كل مـوقف درس والخذلان دايـم خيـره لا تـكبّر قيمة الاشـياء .. ولا تتهقـوىّ كل درب تزل رجلك فيـه دور غيـره كلها يـومين تتعـافى وترجع أقـوى

عدّاني العيب والتقصير وشرهات الـ افا واللوم وإذا طيـبـي غلـط عمـري الا يـازيـن غـلطـاتـي عدّاني الكذب والتسويف وكلمةٍ حقها مهضوم وانـا مانـي ضعيـفة بـاس تحـكمنـي قـراراتـي عزيـزة نفس شمـوخي ما ينـهزم فـي يـوم وسيـعة بـال وافـعـالـي تـوردهـا قنـاعـاتـي

لا تدور من ورى العالم شعور أشعر بنفسك ونفسك تشعرك وأي واحد قال لك هذا غرور قول له بكره تجي .. واذكّرك

حنا على وضح النقى قلوبنا نظاف و على عدانا ما نحَب الُمروفه و انا اشهد ان الوقت ما عنده انصاف عجزت افرق بين امانه و خوفه كم واحدٍ قبلي من الوقت منلاف اليا غفى سود الليالي تلوفه ..