عبدالمحسن الفايدي @aa80071

من واقع تجربه: مرافق المريض هو اللي يتعب ، المرافق هو اللي يتألم ، المرافق هو اللي يسهر ويكتئب ، المرافق هو اللي يعاني من الازعاج والأسئله ، اللي مرافق مع والديه ولا مع أحد اولاده ولا مع زوج أو زوجه أو أخ او أخت أوصديق والله اني أعلم أنكم في معاناه قد تفوق معاناة المريض، المريض قد يتعايش مع مرضه ويأخذ ادويه ومسكنات ، ولكن المرافق كان الله في عونه، وكتب الله أجره لكل مرافق أسأل الله ان يكتب لك الأجر وأن يسعدك ويكتب لك الصبر، تشوف مريضك يتألم ولا تقدر تسوي شي ، يغير حياتك بمواعيده وسفره ومتطلباتها ، غير الالم النفسي والجسدي سألوني هل بكيت من المرض في يوم ما ؟ وأجبتهم : لا ولكن من يسأل هذا السؤال هو المرافق واقارب المريض ، صدقوني هم من يتحسرون ويضيقون من قلة حيلتهم وتعب مريضهم. عامل المرافق مثل ماتعامل المريض في السؤال عن الحال والجبر بالخاطر ، الناس تحب من يلمس مشاعرها ( ويحسسها بمعاناتها) ولا تحب من يهون امور المعاناه . لا تجي عند المريض وهو يعاني تقول ( يارجال مافيك الا العافيه ) ولا تجي عند المرافق تقول ( ماعندك شي اكل ونوم في ذالغرفه ) أختارو كلماتكم بعنايه .. ( اقسم بالله ان الكلام يعني للمريض والمرافق الشي الكثير من الناحيه النفسيه إيجابي أو سلبي).