ابوعبیده @aboabida710

د افغانستان د کانونو د لومړني ځانګړي نندارتون په اړه د کانونو او پټرولیم وزارت د ویاند ویډیويې کلیپ!

د خیالي جبهاتو تبلیغاتي جګړه x.com/i/spaces/1NGar…

x.com/i/spaces/1NGar…

د فراه ولایت د ابونصر فراهي په ګمرک کې د سوداګریزو توکو د خوندي ساتلو په موخه د 64.4 میلیونه افغانیو په لګښت څلور بابه هنګرونه جوړ او ګټې اخیستنې ته وسپارل شول.

x.com/i/spaces/1mxPa…

د خیالي جبهاتو تبلیغاتي جګړه د همدې موضوع پر بېلابېلو اړخونو نن شپه ۹:۰۰ بجې په یوه ځانګړې X Space کې بحث کېږي. 🎙️ مېلمه: د چارو شنونکی ښاغلی عثمان حذیفه ستاسو د ګډون په هیله! 📌 یادونه: په لاندې لینک باندې کلیک وکړئ او د Set Reminder تڼۍ ووهئ، ترڅو د Space د پیل پر وخت خبرتیا درته راشي او له بحث څخه باخبره ووسئ. x.com/i/spaces/1mxPa…

د امارتي شرکتونو عمومي رئیس مولوي احمد جان بلال ایران ته د خپل رسمي سفر په ترڅ کې د یاد هېواد د نفت او ګازو له وزیر محسن پاک نژاد سره کتلي. په یاده کتنه کې د نفت او ګازو په برخه کې د دواړو هېوادونو ترمنځ د همکاریو د پراختیا، افغانستان ته د اړتیا وړ تېلو او ګازو د برابرولو په اړه هر اړخیزې خبرې شوې دي. #بلاغ

د اطلاعاتو او کلتور وزارت د خپرونو چارو مرستیال مولوي حيات الله مهاجر فراهي ویلي، افغانستان په سیمه او په ځانګړې توګه له ګاونډیو هېوادونو سره کړکېچ نه غواړي او د نورو هېوادونو په چارو کې هم لاسوهنه نه کوي. نوموړي له نورو هېوادونو هم غوښتي، چې د افغانستان په کورنيو چارو کې لاسوهنه ونه کړي. فراهي زیاته کړې، افغان حکومت د خپلې دفاع لپاره تر پخوا ډېر چمتووالی لري او د هرې «ګستاخۍ» پر وړاندې به قاطع ځواب ورکړي. #بلاغ

د نن ورځې نېټه!

د غزې ښار په لوېدیځه برخه کې د اسرائیلي رژیم په یوه هوايي برید کې یو فلسطینی وګړی خپل ژوند بایللی، او د یوه ماشوم په ګډون څو نور کسان ټپیان شوي دي. د الجزیرې د راپور له مخې، په غزه کې د اوربند له اعلان وروسته د اسرائیلي رژیم په بریدونو کې د فلسطیني وګړو د تلفاتو شمېر یو زر او ۳۸۱ کسانو ته رسېدلی دی. #بلاغ

د کاپیسا د کرنې ریاست مسؤلین وايي، سږ کال په دغه ولایت کې د جلغوزیو حاصلات د تېر کال په پرتله ۴۰ سلنه زیات شوي دي. د یاد ریاست په وینا، د نجراب او اله‌سای ولسوالیو په شاوخوا ۱۱ زره هکټاره ځمکه کې د جلغوزیو ځنګلونه شته. د کرنې ریاست د حاصلاتو زیاتوالی د جلغوزیو ځنګلونو د ښه مدیریت او وروستیو ورښتونو پایله بولي. #بلاغ

المنار خبري شبکې راپور ورکړی، چې د اسراییلو صهیونیستي رژیم تازه د لبنان پر سویلي سیمو هوايي بریدونه کړي. د راپور له مخې، د اسراییلي رژیم الوتکو د لبنان هوايي حریم نقض کړی او د دغه هېواد په سویلي سیمو کې یې څو ځایونه بمبار کړي دي. یاد رژیم په نبطیه سیمه کې «کفرتبنیت» او مرجعیون سیمه کې د «القنطره» ښارګوټي په نښه کړي دي. #بلاغ

د ا.ا بهرنيو چارو وزارت د يوې اعلاميې په خپرولو سره د خيبر پښتونخوا په کوهاټ ښار کې د جمعې د لمانځه پر مهال د ترسره شوي بريد غندنه کړې او د قربانيانو له کورنيو سره يې خواخوږي څرګنده کړې. د بهرنيو چارو وزارت په اعلاميه کې راغلي، چې په ديني اماکنو بريدونه يو نه توجيه کېدونکی او د غندنې وړ عمل دی. دا په داسې حال کې ده، چې تېره ورځ (جمعه) د خيبر پښتونخوا په کوهاټ ښار کې د يو بريد په ترڅ کې لسګونو کسانو ته مرګ ژوبله اوښتې وه. #بلاغ

د افغانستان برېښنا شرکت وايي، د افغانستان او ترکمنستان ترمنځ د ۵۰۰ کیلوولټ برېښنا انرژۍ لېږد پروژې د چارو د چټکتیا او د یو شمېر نورو برېښنايي پروژو د پلي کېدو د څرنګوالي په اړه ناسته شوې ده. په دې ناسته کې د یادو پروژو د چارو د پرمختګ او د عملي کېدو اړوند موضوعاتو په اړه بحث او د اړوندو چارو د چټکتیا پر اړتیا ټینګار شوی دی. #بلاغ

د کندهار والي ملا محمد شیرین اخند د افغانستان لپاره د نړیوال بانک ګروپ له مشر فاریس هداد زیروس او د ملګرو ملتونو د خوړو او کرنې سازمان له مسول ریچارډ ترنچارډ سره ليدلي. په دې لیدنه کې د کندهار والي غوښتنه کړې، چې نړیوال بانک دې په افغانستان کې مهمې او بنسټیزې پروژې پلې کړي. د کندهار ولایت مقام د رسنیو دفتر ویلي، چې ياده لیدنه کې د افغانستان لپاره د نړیوال بانک ګروپ مشر فاریس هداد زیروس ویلي، دغه بانک په افغانستان کې خپلو چارو ته دوام ورکړی او د ملګرو ملتونو د خوړو او کرنې سازمان مالي چارې هم د نړیوال بانک له لوري تمویلېږي. ښاغلي زیروس زیاته کړې، له سیمه‌ییزو مسولینو سره په ګډه هڅې روانې دي، څو د خصوصي سکټور د پیاوړتیا او خلکو ته د کاري فرصتونو د برابرولو په موخه ځانګړې پروژې پلې شي. ورته مهال د کندهار والي د نړیوال بانک او د ملګرو ملتونو د خوړو او کرنې سازمان د مرستو او همکاریو ستاینه کړې او غوښتنه يې کړې، چې نړیوال بانک دې په افغانستان کې مهمې او بنسټیزې پروژې پلې کړي. #بلاغ

د شمالي کوریا د مشر کیم جونګ اون خور، کیم یو جونګ، د اټومي انرژۍ نړیواله اداره (IAEA) په دوه‌ګوني چلند تورنه کړې ده. د رویټرز د راپور له مخې، د هغې دا څرګندونې وروسته له هغې شوې چې یادې ادارې د پیونګ‌یانګ د اټومي وسلو د پروګرام د غندنې پرېکړه تصویب کړه. کیم یو جونګ ویلي، د اټومي انرژۍ نړیوالې ادارې تعصب او دوه‌ګونی چلند د اټومي وسلو د نه خپرېدو نړیوال نظام د کمزوري کېدو اصلي لامل دی. هغه ادعا کړې چې یادې ادارې د امریکا د اټومي وسلو د پراختیا ښکاره فعالیتونو او جنوبي کوریا ته د اټومي اوبتلونو د انتقال پلان ته سترګې پټې کړې، خو د شمالي کوریا پر اټومي فعالیتونو یې پرېکړه تصویب کړې ده. د شمالي کوریا د بهرنیو چارو وزارت هم دغه پرېکړه رد کړې او ویلي یې دي چې د اټومي ځواک په توګه د دغه هېواد دریځ نه بدلېدونکی دی. #بلاغ

د ایران د بهرنیو چارو وزیر سیدعباس عراقچي، د الجزایر د خپلواکۍ د جګړې پر مهال د شاوخوا یو نیم میلیون الجزایریانو د وژل کېدو په اړه، د فرانسې د بهرنیو چارو وزیر وروستي پیغام ته په ځواب کې ویلي، چې فرانسه لا هم د خپلو استعماري جنایتونو له امله له بښنې غوښتلو ډډه کوي. عراقچي د فرانسې د بهرنیو چارو وزیر ژان‌نوئل بارو په خطاب کې په یوه پیغام کې لیکلي، چې د دغې پېښې له قربانیانو څخه له لسمې برخې څخه هم کم کسان د پاریس له لوري ثبت شوي او فرانسه لا هم د استعمار د دورې د جنایتونو مسؤلیت نه مني او بښنه نه غواړي. هغه د فرانسې د بهرنیو چارو وزیر وروستۍ څرګندونې د تمساح اوښکې بللې او ویلي یې دي، چې هغه مهال د پاریس چوپتیا، چې د امریکا له لوري په ایران کې د ښوونځي ماشومان ووژل شول، د دې هېواد دریځ څرګندوي. #بلاغ

د لوړو زده‌کړو وزارت وايي، د سید جمال‌الدین افغان پوهنتون په انګړ کې د نږدې ۱۰ میلیونه افغانیو په ارزښت د یوې رغنیزې پروژې چارې پیل شوې دي. د وزارت په وینا، په دې پروژه کې د ښوونې او روزنې پوهنځي او لیلیې ودانیو، سړکونو، پلي‌لارو او ګلدانونو، د سړک غاړې څراغونو او چمنونو جوړول شامل دي. د یاد وزارت د معلوماتو له مخې، د دغې پروژې لګښت د لوړو زده‌کړو وزارت له بودیجې څخه ورکول کېږي. #بلاغ

د هرات والي شیخ مولانا اسلام‌جار د ښاروالۍ او ترافیکو له مسوولینو غوښتي، چې د قوانینو د پلي کولو پر مهال له خلکو سره نرم، مهربانه او له شفقت څخه ډک چلند وکړي. نوموړي ټینګار کړی، چې د خلکو ترافیکي ستونزې دې د قانون په چوکاټ کې حل شي او د ترافیکي قوانینو او اړوندو موضوعاتو په اړه دې له ښاریانو سره لازم عامه پوهاوی شریک شي. اسلام‌جار زیاته کړې، چې د قوانینو د پلي کولو پر مهال باید د خلکو حقونه او وضعیت هم په پام کې ونیول شي. #بلاغ

د بامیان، غور او دایکندي ولایتونو د امنیه قوماندانانو ترمنځ د ګډو سرحدي سیمو د امنیت د پیاوړتیا په موخه د همغږۍ غونډه د بامیان په پنجاب ولسوالۍ کې ترسره شوه. په غونډه کې د زیان‌منو سیمو د پېژندلو، د امنیتي پوستو د جوړولو، د احتمالي ګواښونو د مخنیوي او د خلکو او مسافرو د خوندیتوب په اړه خبرې وشوې. ګډونوالو د درېیو ولایتونو د امنیه قوماندانیو ترمنځ د لا زیاتو همکاریو او همغږۍ پر دوام ټینګار وکړ. #بلاغ