Elsayed Askar @elsayedaskar407

“أنا كنت مجهز شنطي عشان أرجع مصر بعد two unmatched cycles ، وبعدها بكام يوم جالي عرضين Match في نفس اليوم." يمكن دي أكتر جملة تختصر رحلة الأربع سنين اللي فاتوا، لكن قبل ما حد يشوف الـMatch ويقول: “ما شاء الله، الحمد لله تعب ووصل”، خليني أحكي الجزء اللي عادة محدش بيحكيه. عندي إحساس إن السوشيال ميديا عملت حاجة غريبة جدًا في حكايات الmatch؛ بتوريك آخر صفحة في القصة، وتخليك تتخيل إن الرحلة كلها كان بالصعوبة المتوقعة اللي بتتصدرلك عالميديا لكن كل الناس مش بتحكي اللي هقوله هنا وهي قصة استثنائية جدا للامانة احلامي كانت اكبر من امكاناتي وامكانات اهلي وكليتي وإمكانات علاقاتي حتي باللي اعرفهم برا دايرتي عشان يساعدوني أنا جيت من كلية طب جديدة، طب بورسعيد ، كنت تالت دفعة فيها ، مفيش مستشفى جامعة ، مفيش خريجين سابقين لا جوا ولا برا مصر ، ومفيش حد سبقنا للطريق ده ولا اي طرق تانية ، مفيش حتي template عند الكلية تعملك بيه بيان درجات او شهادة امتياز ، ده حتي نسوا يبعتوا اسم أول دفعة للتكليف يا راجل. في الوقت ده قالك لازم الكلية تاخد الجودة عشان تعرف تمتحن اي معادلة ، الكلية طبعا مكانش عندها الجودة ، فبدل ما أركز بس على مذاكرة المعادلة ، لقيت نفسي بسعى في موضوع الجودة للكلية كلها عشان أعرف أصلًا أمتحن ، مفيش حد قادر يرشدني ، محدش من الكلية كان سافر قبل كده، محدش امتحن قبلي، ومحدش دخل Match قبلي، انا اول من امتحن وسافر ومتش ، وده مش “جمدان” قد ما هو معناه إن مفيش حد أقدر أسأله: “عملت إيه؟ سافرت إزاي؟ أقدم فين؟ إيه الغلط اللي متعملوش؟” مفيش road map. كنت أول واحد يجرب ويتجرب فيه قولت لا هم بنفسك يا ولد ، عملت فريق للجودة في الكلية من ١٢٠ طالب متطوع ، كنت مقسمهم ل١٣ مجموعة عمل بنشتغل يوميا بال٨ ساعات في عز الكورونا ٢٠٢٠ ل٨ شهور ، الكلية مكنش فيها اي وثيقة حرفيا ، حتي المحتوي العلمي مكنش موجود كمنهج ، سافرت كليات تانية جبت الملفات بتاعتها وقعدت اشكل كل أوراق الكلية من محتوي علمي لشهادات تخرج لبيان الدرجات لكل مستندات شئون الطلاب والخريجين بل وكل مستندات كيفية ادارة الامتحانات والتصحيح ، حتي لوجو الكلية الرسمي نفسه يا راجل غيرته عشان مكانش عاجبنا ، طبعا تقديري الامتياز السنوي نزل سنتها لجيد لاني مكنتش باذاكر ، كنت كل يوم بنام وانا باعيط اني لا ليا مستقبل حلو جوا مصر ولا حتي عارف اخرج براها لحد ما انجزنا المهمة وطلبة الكلية بقي ليها حق الدخول في المعادلات تأني المعضلة التانية ، انا اول طبيب بشري في العيلة الممتدة ، مفيش علاقات ولا خبرات تنصحني ولا طريق متمهدلي لا جوا ولا برا مصر ، مفيش حد ارجعله اقوله "اعمل ايه؟" ملهاش حل للاسف غير اني فهمت ان علاقات الكلية عندي مش هتوديني بعيد فبدأت اركز علي استثمار وقتي في تكوين علاقات مع اللي بيسافروا من الكليات المجاورة ثم تأتي المعضلة التالتة وهي الماديات في طبقة كانت يوما ما متوسطة واتخسف بكل ولادها الارض وبقت يدوب surviving المعضلة دي اتحلت بطرق مختلفة ، اشتغلت تاجر شنطة باروح القاهرة اجيب كتب وارجع اقف بيها علي رصيف الكلية وابيعها الطلبة عشان اجيب فلوس لامتحاناتي ، البيزنس ده كبر وبعدها بقينا جروب كبير شغال وبقي لينا مطبعة واتوسعنا بعدها في كليات ومحافظات مجاورة ، البيزنس ده بعدها راح لأصدقاء ليا فتحوا مكتبة قذام الكلية وكملوا نفس النهج بل وطوروا فيه كتير ، كنت في الوقت ده بارتب عالدفعة دايما قبل ما المذاكرة للمعادلة تشد وكنت دايما بحاول مع الشغل اني اقدم حاجة تفيد الطلبة بدون فلوس دخلت امتياز ومكنش فيه وقت للشغل مع الامتياز ابو ٢٥٠٠ مليم وانا باذاكر لسة step 2 ، اشتغلت online freelancing جمعت منه كام مليم مش وحشين يسندوا بس اني اعرف اركب طيارة لامريكا ، اتخرجت، فملقتش قدامي نيابات جامعة حقيقية، ومعظم الـspots كانت شبه وهمية لأن مفيش مستشفى شغالة أصلًا زي نص الكليات المفتوحة الوقتي ، يعني plan b في مصر مش موجودة اصلت ، وأنا اساسا كنت بشتغل جنب الدراسة من الكلية، مش عشان كنت بحب أشتغل زيادة، لكن عشان أهلي ببساطة ميقدروش يشيلوني ماديًا لاحلامي ، فمن أول لحظة حلمت فيها بأمريكا، لحد ما وصلت للmatch ، الطريق ده كان تقريبًا 100% على حسابي بعد امتيازي بشهرين وصلت أمريكا اشتغل research وصاحب عمري جاي ورايا كمان كام شهر في معمل تحتي كنت رشحته ييجي علي المكان الفاضي فيه (كنت طماع في الدنيا ومصمم يبقي فيه ونس معايا بردوه) ، وصلت امريكا معايا في جيبي $1,000 بس بعد ما دفعت الطيارة ، لما شفت الدولار ب٢٤ وقريت التحليلات الغربية عرفت ان اي مبلغ هجمعه بالجنيه هخسره كل ٦ شهور فلازم انط من المركب لامريكا والا عمري مهسافر بالوضع ده ، وفي أول أسبوع سفر، طلعت نتيجة Step 2: 228. النتيجة كانت عكس كل توقعاتي وامتحاناتي تقريبًا زادت معضلة الscore ، والوقتي الطريق اللي كان صعب أصلًا عن باقي زمايلك بقى ضلمة بس كملت ، يا روح ما بعدك روح انا حرقت مراكبي في مصر ومفيش حاجة ارجعلها ، دخلت المعمل اللي جيت عليه كـvolunteer حوالي ست شهور، بصفر خبرة ، أتعلم وأشتغل وأحاول أثبت نفسي، لحد آخر يوم ، مع بعض الحلول الجانبية للفلوس بالمرمطة وقلة القيمة لحاجات محدش يتخيلها ، كنت شايل شنطتي وماشي وبقول للPI انا مدتي خلصت وهشوف هاروح فين ، فوقفني وقال لي: “أنا عايزك تكمل معانا ، شغلك كويس" وبالفعل اتعينت ، كنا جروب صغير من المصريين ، ثم دخلت أول Match cycle ومتوفقتش، وبعدها جه Trump و الـfunding بتاع المعمل اتقطع ، والـmentor اضطر يمشيني في نفس شهر الunmatched وفجأة شقتي غرقت وصاحب المكان بدأ يهددني بالطرد وفسخ العقد ، كان ربنا بيزيح رجلي بالكامل من Minnesota لا ماتش ولا فيزا ولا سكن ولا فلوس ولا شغل ، خرجت أدور على شغل تاني شهور وأنا بدور ومفيش ما البلد كلها مفهاش fund for research ، لحد ما أخيرًا جالي مكانين واخترت اروح اشتغل في جامعة تانية في Boston ، وبدأت من جديد في مكان طلع منتهي الmalignancy في الدنيا ، اساءات عنصرية تجاه لوني وديني واصولي وتربيتي وتهديدات صريحة بهنرجعك بلدك واصل انت مرتبتش وانت مخك غبي والخ ، بل وصلت لان اتقطع من مرتبي شهر في التصعيد ده ، الحمد لله واخد المعمل والجامعة كلها للمحكمة الوقتي في ٣ قواضي مختلفة كل ده حاصل وسط الـMatch cycle الثانية، ومتوفقتش برضه فيها ، تراكمت عليّ ديون بحوالي $30,000 عشان أقدر أواكب كل الخبطات اللي حصلت من ساعة ما وصلت أمريكا ومكنتش هقدر اقدم لتالت مرة وقررت اني هلغي رحلتي وهستسلم و هنزل مصر ، ووسط كل ده جالي email اني اتفصلت من الشغل وصلني في notification نزلت عالشاشة فوق راس الPD بتاع البرنامج اللي انا فيه حاليا واحنا كنا في الinterview للمكان اللي فضي عندهم فجاة اللي صدفة اصلا كنت مكلمهم قبلها بشهر اطلب انزل rotation هناك رحلة الماتش كانت طويلة جدًا؛ 18 interview تقريبًا بين الـtwo Match cycles، والـSOAP، والـspots اللي كانت بتفتح فجأة في الربيع والصيف ، قدمت، وبعت، وسافرت للبرامج بنفسي، وقفت قدام برامج وطلبت interviews، وعملت كل حاجة أعرف أعملها ، جريت جري الوحوش في الغابة، وبرضه مكنتش بوصل ، وده يمكن أكتر جزء مؤلم في القصة؛ إنك تكون بتعمل كل اللي عليك، وبرضه النتيجة مش بتيجي ، كنت ساعات ابص للسما واقول "يارب انت سامعني؟ شايف حاصل ايه؟ ساعدني ولا انا مستاهلش لسة؟" ومع الوقت تبدأ تسمع: “غير التخصص لاطفال وفاميلي”، “جرب حاجة تانية”، “الباطنة مش ليك يا مرزوق”، “أربع سنين research كتير”، “ارجع مصر”. والأصعب إن الكلام ده مش كله كان من ناس بتكرهك. بعضه كان من أهلك اللي ٤ سنين مشوفتهمش ، من ناس بتحبك فعلًا، بس شايفينك بقالك سنين في أمريكا، والعمر بيعدي، ومفيش نتيجة. انا كنت مستعد اقدم ٢٠ مرة عالباطنة لاني مبحبش غيرها بس امكاناتي وظروف حياتي بدات تخوني ومتسمحش باني اقدم اصلا لتالت مرة ده انا معييش فلوس اكل وشرب الشهر الجاي اصلا ، وفي الأيام الأخيرة قبل ما ييجي الـMatch offer، كنت خلاص قررت أرجع مصر. وهنا بقى حصل الجزء اللي علّمني أكتر حاجة عن الرزق. أنا عملت كل حاجة ممكنة، لدرجة إني كنت بسافر للبرامج بنفسي عشان أطلب interview، وبرضه مكنتش بتوفق. لكن لما ربنا شاء إن الرزق ييجي، الرزق جه لحد عندي. أول برنامج بعتلي offer، في البداية كانوا أصلًا بعتولي email عشان نعمل interview، ومشفتش الإيميل. بعد أسبوع بعتوا reminder، وقالولي إن الناس اللي كتبتلي letters خليهم تبعتهم ، كنت قرفان من مشاكل حياتي ومتشائم فرديت عليهم: أنا مش هكلم حد يبعت letters، ولو عايزين نعمل interview الاول فأنا موجود غير كده لا ، وكنت وقتها في حالة نفسية سيئة جدًا، لدرجة إني كنت مستغرب من نفسي وبقول: “أنا عمري ما عملت الهطل ده قبل كده.” البرنامج وافق، عملت الـinterview، وبعتولي offer، ونص الـletters اللي كانوا طالبينها أصلًا كانت لسه موصلتش. وفي نفس اليوم جالي offer تاني عرضين في يوم واحد استخدمت واحد منهم عشان ازق التاني اللي كان متردد انه يبعتلي الoffer اللي في الاخر اخدته في واحدة من اكبر الاماكن في امريكا Montefiore ، ممكن اقول انه It is even better than what I got for interviews in my two cycles although I got 5 university interviews among them. ككل العوامل من الطقس والاجتماعيات وفسح NYC والخ فهو افضل مما انا كنت باتمني الحمد لله بكتير كحاجة متكاملة رغم سحلة التدريب ف NYC ولاني لو كنت متشت بدري مكنتش هعرف اخد موافقة لل Green card بتاعتي لو اشتغلت علي j visa وده كان هيبقي ليه توابع اجماعية تقيلة في حياتي اللي بحاول اوصله هو: السعي والرزق مش نفس الحاجة. السعي عليك، لكن توقيت الرزق مش بتاعك. ممكن تجري بكل قوتك ومتوصلش، وممكن تقف في آخر الطريق، خلاص هتلف وترجع، فتلاقي الباب اللي كنت مستنيه بيتفتح لوحده. أنا بحكي القصة دي مش عشان أقول: “بصوا أنا عملت إيه.” بالعكس. بحكيها لأن في ناس كتير جدًا على السوشيال ميديا شايفة الـsuccess وبتقارن نفسها بيه. شايفين الـMatch، مش شايفين الأربع سنين اللي قبله. شايفين الـoffer، مش شايفين الـrejections. شايفين الصورة، مش شايفين الديون، والوحدة، والـuncertainty، والليالي اللي الواحد كان بيسأل فيها نفسه: “هو أنا فعلًا بضيع عمري؟” أنا عشت ده كله. وعشان كده، لو أنت دلوقتي في مرحلة بتجري فيها ومش شايف نتيجة، لو حاسس إن كل الناس بتوصل إلا أنت، لو بدأت تصدق إن تأخر رزقك معناه إن رزقك مش جاي، متحكمش على قصتك من الفصل اللي أنت واقف فيه دلوقتي. أنا كنت في آخر أيامي في أمريكا، مجهز شنطي، مقرر أرجع، وبعدها بكام يوم كان عندي عرضين في نفس اليوم، والحمد لله ربنا خيرلي الأنسب فيهم. يمكن كل اللي أقدر أقوله من الرحلة دي إنك تعمل اللي عليك، وتسعى بكل قوتك، وتتعب، وتحاول، وتخبط على كل باب تقدر تخبط عليه. ولو الباب مقفول، خبط على غيره. لكن متخليش تأخر النتيجة يخليك تفتكر إن تعبك ملوش قيمة. أنا لا أقدر أقول إن كل واحد هيتعب لازم هيوصل لنفس المكان اللي أنا وصلتله، لأن الحياة مش بالبساطة دي، لكن أقدر أقول لك حاجة أنا مؤمن بيها جدًا بعد كل اللي شوفته: ربنا مش بيسيب تعب حد. يمكن يؤخر، ويمكن يختبر، ويمكن يقفلك أبواب كنت متأكد إنها أبوابك، ويمكن يخليك تجري جري الوحوش في الغابة، وبعدين يرزقك من باب أنت أصلًا مكنتش شايفه. فلو أنت لسه بتجري، كمل. يمكن أنت مش متأخر، يمكن أنت بس لسه موصلتش للفصل اللي فيه الحكاية هتتغير. "You gotta a dream, you gotta protect it"

As the first physician in my family, coming from a small town in Egypt and now pursuing Internal Medicine residency training in the United States, I often reflect on how far this journey has taken me. It has been a remarkable path filled with blessings, challenges, guidance, and mentorship—often more support and kindness than I could have ever expected. Every step has taught me something, and every mentor, colleague, friend, and family member who believed in me has become part of this journey. Now, as I prepare for the next chapter in a new country and a new healthcare system, I am excited to keep learning, growing, and challenging myself. My goal is not simply to become an excellent physician, but to become someone my family, colleagues, patients, and mentors can be proud of—and to eventually give others the same guidance and opportunities that so many people have generously given me. As I enter the 2027 Internal Medicine Match, I am always open to new connections, mentorship, guidance, and opportunities to learn from physicians and colleagues across the United States. Grateful for how far I have come, excited for what lies ahead, and ready for the next chapter. 🇪🇬🇺🇸 AAMC ID: 17002612 #InternalMedicine #Residency #Match2027 #IMG #Medicine #MedicalEducation #Mentorship #PhysicianJourney #USMLE

Finally, my turn has come to say... Hi #MedTwitter 👋🏻 I’m Hussain Sameh Abouhussain, an IMG from Egypt 🇪🇬 applying for #Neurology in #MATCH2027. Step 1: PASS (1st attempt) Step 2 CK: 265 YOG: 2024 ECFMG Certified ✅ I’m looking forward to connecting with mentors, colleagues, and fellow applicants throughout this journey. When I'm not studying neurons, I’m a cat dad 🐾 who steals two hours at the cinema whenever possible 🎬, always trying to immerse myself in the warmth of family and friends. Above all, I try on a daily basis to decode life’s deeper meaning—blessed to navigate every piece of this beautiful chaos alongside my lovely co-journeyer 🤍. AAMC ID: 17073959 Let's connect together!

Hi #MedTwitter 👋 I'm Mahmoud Tablawy 👨‍⚕️, IMG from Egypt 🇪🇬, applying for #Match2027 🇺🇸 ECFMG Certified✅️ | YOG 2026 | 15+ Publications 🔍 AAMC ID: 17071127 Outside medicine: gym 🏋️, soccer ⚽ & photography 📸 Looking forward to connecting! #Pediatrics #InternalMedicine

Mostafa Abouzahra | AAMC ID: 17032030 Excited for #Match2027. I enjoy soccer, coffee, reading, writing, travel, history & global affairs. Grateful for any advice or connections. #MedTwitter #IMG

USMLE questions evolve over time. Let's say there's a question that basically asks, "What's a risk factor for renal cell carcinoma? Answer: smoking." At first, 75% get it right. That works so it circulates a while. But later 90% get it right because students talk, resources expand, etc. So the USMLE retires it from exams. Then a new RCC question gets written, this one different and probably more difficult. Key point: Questions change, not concepts. Don't prepare for specific questions people saw in the past. Learn THE CONCEPTS so you're prepared for something no one has seen before.

@MujtahidGI @UCincyMedicine @ASGEendoscopy @UCMCGIHEP @MoamenGabrMD @IBD_Afzali @LuisLaraMD1 Hearty congratulations Dr Wael Keep inspiring us.

If you keep your eyes open in medicine, you’ll notice lots of patients with symptoms we can’t explain through western medicine. Their tests are normal but they still have headaches, palpitations, chest pain, dizziness etc. It’s important not to dismiss these patients. Their symptoms are real, and blowing them off drives people away from medical care. It’s also important to remain humble. There is so much we don’t understand about the human body. I tell patients this and do not object if they want to explore options outside of western medicine. I’ve seen people improve with acupuncture, cupping, meditation, physical therapy, and even chiropractors in one case of chronic chest pain. I don’t recommend these as first line treatments, and they should be used cautiously because they can lack rigorous evidence. But when patients are suffering and I can’t help them, I support anything that improves their quality of life.

احلى حاجة شوفتها لحد دلوقتي ريمكس ضربات جزاء مصر وأستراليا 😂😂😂😂❤️❤️

@hassanmhmd2077 Hearty congrats brother , waiting for experience thread.

@Yazeedalajloun1 ما شاء الله

@m3wd333 الف مبروك

@TheQueenLala_ @jasonryanmd @UWorldMedical Thanks a lot ❤️🙏, summer person! 🙃

@MahmoudTablawy1 الله يعوضك بالخير. قدر الله و ما شاء فعل.

@Habiblahjagunm1 @Deji_Oyetola @IamAjibolaa @podocin @kehinde_alare Big Gang 💥

@jasonryanmd Those types of tweets are pain killers. Thank you prof ❤️

@PollsForMedics @jasonryanmd Game changer .... My approach to questions has changed 180 degrees. God SAVE the King.

@TheQueenLala_ Self-esteem ⬆️🆙️