بــدر الشمري @f2w2

أقرب لك شوي وأرجع عنك كثير وأقول بنساك وقلبي يردّ له مرّة أشوف البعد راحة وتدبير ومرّة غيابك يذبح القلب كلّه أعاتبك وألقاك للعذر تقدير وأزعل عليك وأشتهي منك زلّه مرّة أقول إن المحبّة تدمير ومرّة أشوف العمر من دونك قلّه أضحك وأنا من داخلي ألف تفكير وأخفي حنينٍ كل ما هبّ دلّه يا أكثر إنسانٍ جمع بي تعابير حبٍ وكرهٍ ما عرفت أفصلّه إن جيت لك خفت الغلا يصير تقصير وإن رحت عنك الشوق ردّني محلّه وشلون أبي أنساك وأنت التفاسير للجرح ، والفرحة ، وللقلب كلّه (: _بدر الشمـري

0 1 54 1K 4

View Details

بــدر الشمري @f2w2

a week ago

أحنّ للهوى لا صار سترٍ ودين غرامٍ عفيفٍ ما وطاه الانكسار غرام الأوّلين الصادق المستكين يعيش بداخل القلب ويخشى الاظهار يحبّ المحبّ ولا يفضح الحنين ولا يجعل أسرار المحبّة للأبصار يكابر على شوقه ولو هو حزين ويصون الغلا لو شبّ بالقلب نار إذا شافها صدفة يطيح الرزين ويغضّ النظر عنها حياءٍ ووقار ولا قال أحبّك كل ليلة ولين ولا علّق اسم الحب فوق كل جدار محبّة نقاها مثل ماء الغدير عذوبة وفاها ما تخالطها أكدار تعيش السنين ولا تملّ السنين ويكبر بها قدر المحبّ مع الأعمار أما هوى هالوقت ما هو ثمين غرامٍ على مرأى الخلايق وإشهار رسالة تجي، وبعدها ألف عين وصورة غلاهم بين ناسٍ وسمّار يقول أحبّك ، ثم عقب يومين يبدّل حبيبه مثل تبديل الأدوار كثر من حكى بالحب وهو ما يبين إذا جا نهار الجدّ ، ولّى مع الأعذار وأنا ما أبي حبٍّ كثير الرنين ولا كل ما هبّ الهوى صار تذكار أبيها محبّة صادقين أمينين نصون الغلا عن هرجة الناس والعار أحبّ الهوى لا كان عهدٍ مصون وإن غاب واحد ، ظلّ الثاني على الدار أحبّ انتظارٍ يزرع الشوق لين تجي لحظة اللقيا وتغني عن أشعار وأحبّ الحيا في عين خلٍّ حنون إذا شاف محبوبه توارى عن الأنظار ترى الحبّ ما هو ضحكةٍ بين اثنين ولا كلمةٍ تمحي مع أول مشوار هو إنك تحبّ ولا تخون اليقين وتستر غلا منهو على القلب مختار فإن قالوا : زمان الطهر ولّى سنين أقول : الطهر يبقى ولو خانت الدار يموت الزمن ، وتتبدّل سنين ويبقى الغرام العفّ تاجٍ للأحرار _بدر الشمـري

0 1 48 4K 7

View Details

بــدر الشمري @f2w2

a week ago

@_e1uu صح بدنكِ

0 0 2 153 0

View Details

بــدر الشمري @f2w2

a week ago

يا كثر ما طمّنتهم ، ما تهنّيت قلبي تعب ، محدٍ سأل وش بلاني أعطي وأنا في حاجتي ما تباهيت واللي سقيته في ظماي ما سقاني يا ليتني من طيبتي ما تماديت ضيّعت نفسي في رضا من جفاني أبكي على عمري ، وأنا ما تعافيت يا نفس ، أنا أوّل بشر ما رعاني _ بدر الشمـري

1 0 25 943 1

View Details

بــدر الشمري @f2w2

a week ago

كلّ ما رتّبت حزني في كتاب بعثرتني ضحكةٍ لك من سنين كلّ شيٍّ في مكانه، والغياب واقفٍ بيني وبينك ما يلين كنت أسولف كلّ ليلة للثياب قهوتك بردت وصوتك ما يبين كلّهم راحوا وخلّوا لي تراب كنت أواسيهم وأخفي هالأنين من يعمّر في حياتي هالخراب؟ من يردّ اللي دفنته باليدين؟ من يعلّم ضحكتي درب الإياب؟ كلّ ما جيت أبتسم صاح الحنين في منامي صرت أشوفك كالسراب ما لقيت إلّا يديني . . فارغين لو نسيتك ما بقى لي من عذاب بسّ أخاف إنّي دفنتك مرّتين _ بدر الشمـري

0 0 24 711 0

View Details

بــدر الشمري @f2w2

a week ago

@a___5550 صح بدنك يا الغالي 🤍

0 0 1 163 0

View Details

بــدر الشمري @f2w2

2 weeks ago

حبّك تعدّى في ضلوعي كياني لين استوى كلّ العمر في هواك أمشي مع العالم وقلبي يعاني وإن غبت عن عيني يدوّر لقاك ما عاد لي في باقي الناس شاني من يوم قلبي باختياره غلاك إن قلت أحبّك ما وفى بي لساني وشلون أوصف عشق ما له سواك أصبحت أشوفك غايةٍ من أماني وكلّ الأماني ما تساوي مناك لو قيس شافك ثم شاف افتتاني قال: الجنون قليل فيمن هواك أغار لا مرّ الهوا بك ثواني وأغار من عينٍ تلاحق خطاك وأغار من ثوبٍ يلامس وجداني وأغار من ظلٍّ يرافق حذاك أكتب غرامك لين يعجز بياني وأشوف شعري كلّه أصغر غلاك وأعيش بك ما بين شوقٍ وحرماني وأحسب دقايق غيبتك لين لقاك لو كان حبّك نار، هذا امتحاني أمشي على جمر الهوى في رضاك وإن قالوا: مجنون، قلت: ابتلاني حبٍّ تعدّى قيس من كثر هواك / بدر الشمـري

1 2 39 4K 8

View Details

بــدر الشمري @f2w2

2 weeks ago

@_e1uu صح بدنننك

0 0 2 87 0

View Details

بــدر الشمري @f2w2

2 weeks ago

مدري أحبّ الوجه ولا فتنة العين ولا حلاوة مبسمك مع شفاياك وإلا أحبّ الصوت لا صار تلحين ولا هدوء الحرف لا مرّ داخلك وإلا أحبّ الخدّ لا زانه اللين ولا الرمش لا سلهم وزادك حلاك كلّ ما بغيت أختار من زينك اثنين أضيع ما بين الحلا في زواياك فيك الحلا ما هو ملامح وتزيين حتى طبعك الزين يكمّل حلاك لو الحسن ينقسم على الخلق قسمين نصفه لك، والنصف الثاني تمنّاك وأحيان أقول: العين أجمل من الزين لين ابتسمتي قلت: لا، ذي شفاياك وأحيان أغار من المرايا إذا تبين وشلون تشوفك كل يومٍ وأنا أهواك ما عاد أسأل وش أحبّ من هالزين دامي أحبّك كلّك بزينك وحلاك _ بدر الشمـري

1 0 30 773 3

View Details

بــدر الشمري @f2w2

2 weeks ago

@i335q عسى الله يرحمه ويغفر له يارب

0 0 0 58 0

View Details

بــدر الشمري @f2w2

2 weeks ago

@t9mem37 مساء النُور

1 0 1 60 0

View Details

بــدر الشمري @f2w2

2 weeks ago

صبّ لي من كيف هالبن لين تصفى وجداني ليلي ما بان من طول السهر فيه نهاره والقصيد إن ما حكى فعل الرجال ما أغراني ما أبي حرفٍ جميلٍ ما وراه إلا عباره وأقرا لـ يزيد الطوياوي إذا ضاق وجداني وأشوف الشعر كيف الشاعر المتمكّن اداره وإنت يا اللي شغلت الفكر في وزني وألحاني كل ما قلت انتهينا شبّ في صدري شراره ! خلّني للشعر دام الشعر يعرف لي - مكاني أودع أسرار ضيقي بين أبياته : واستاره كنت أبني لك من أحلامي وطن وسط أزماني وإنت تهدم كل ما بنيت وتعتبره شطاره ؟ والمسافة بيننا ما هي سفر دربٍ . . ومباني المسافة قلب شخصٍ ما عرف طريقي ومقداره _ بدر الشمـري