عشَّم @ve9lll

حبيت طيفك قبل حتى أشوفك وحبيت فيك الروح قبل ملامح تبينها لك في خفوقي منزله ما توصّف شيٍ من العالم يجي ويشابهها أغليك غلا ماينحكي بالحروف شيٍ عظيمٍ تعجز الحيل تبديها إن جيت للصدق، أنت كل الظروف وغيرك على قلبي ما يسوى ثوانيها

غنوجٍة .. لكن سوالفها شظايا لا قالت الكلمه تولع مكانها ما هيب بنتٍ ينشرى ويِنشراها عزٍّ رفيع، ما يطالون شانها فيها الطفوله، وفي عيونها قضايا قلبٍ قوي ما هزّه مرّ زمانها غنوجهٍ… لكن على الحدّ رايه ومن يقرب الحدّ يذوق امتحانها إن جينا للغلا تعطي بدون حسابها وإن جينا للزعل… تقطع حبال وصالها - عشَّم

أنا خسارة ما تعوّض ولا تنعاد وأنا الندم لو مرّ طيفي على بالك ضيّعتني وبين إيديك الزاد واليوم تدور شي يشبه خيالك ما كنت عادي… كنت معنى للأعياد وكنت السكون اللي يهدّي قبالك واليوم لا تسأل ولا تكثر إنشاد اللي مضى راح… وانطوى في ظلالك أنا تعدّيتك ولا عاد لي فيك لا شوق باقي… ولا طيفٍ نوالك حتى الأثر منك محيته وصرت الغريب اللي ما ألتفت له بحالك خذها حقيقه: ما رجوعي على بالك حتى لو الوقت انثنى واعتذر لك أنا طريقٍ ما يمرّك ولا تمرّه وأنا قرارٍ ما يلين لاحتمالك

ما هو غرامٍ عابرٍ يوم شفتك هذا قدر .. مكتوب ما بين قلبين أنا قبل أعرفك وأنا صلب راس ما هزّني وقتٍ ولا لان لي لين واليوم لا مرّ اسمك بوسط صدري أحس روحي بين ضلوعي تواهين أغليك غلا ما ينحكى في سوالف غلا وطن .. يسكن عروق الشرايين وأخاف عليك من الهبايب والنسانس وأغار حتى من نظر كل من وين يامترفة .. هذا كلامي الي بقوله ما هو مجرد حب بكلمتين إن غبتي أضيع وإن حضرتي أرتاح كنك وطن وأنا غريبٍ بلا وين

يا عيد جيت وقلت وش زادك أعياد قال: بنتٍ عيّدت قلبي بطاريها هي بهجة العيد وإن غابت له أبعاد يضيق صدري ويفقد العيد معانيها في زينها تنشاف كل المزايا زاد حسنٍ تفرّد ما لقى من يجاريها تمشي ويشهد زينها كل من شاف حتى العيون تقول: محدٍ يوازيها عيدي بدونها ما يسوى ولا ينعاد وهي العيد لو غابت الناس حواليها

العيد مرّ وغيبتك زادت أعذاب وين الفرح لا غاب نورك وطاريك كنت الفرح في كل وقتٍ واسباب واليوم أنا أعيّد والدمع يوازيك أدعي لك الرحمن في كل محراب يجعل مقامك في جنات عاليك عساك في دارٍ من النور تنساب رحمة كريمٍ ما يضيع رجا فيك

بنت، في حسنك تفاصيلٍ تهاب حتى القمر لا شاف نورك تحيّر عينك سوالف ليل، وأسرار وعتاب ومن رمشةٍ فيها الشعور تكسّر ما هو غزل عابر ولا حلم كذّاب هذا خفوقٍ في هواك تأثّر في ضحكتك صبحٍ على الكون ينساب وفي صوتك الهادي أمانٍ وتبصّر يا زينك اللي بين كل الزين غلّاب خذتي الجمال وكل وصفٍ وتفخّر لو كان قلبي يملك أصدق جواب قال: أنتِ غير الناس … وأنتِ الأجمل

يا عيد جيت ومعك الزين ينقاد وجيت أنا أعيّد على زين وجهها هي عيد عيني والفرح يوم تنعاد تشرق دنيتي لا تبسّم ثغرها لبس الجديد وزادها الحسن ميعاد كنّ الجمال اليوم حاضر بسترها في ضحكتها عيدٍ على القلب ينزاد وفي قربها روحي تطيب وتسرّها يا زينها لا قالت العيد ينراد كل الأماني تنكتب في نظرها عساها من أعوامها كلها أعياد وأكون أنا أول من يعايدها

مادريت انك . . ملاذُ اللي برا خافيه لين شفت ايديك تقطف قلبي من اعماقي من بياض الوجه ولا من بياض النيّة انثريني واجمعيني واسكني خفاقي وانظري فيني بعين اللطف والماويه واذكريني لا ذكرتي لهفتي واشواقي دام بين ايديك كل احلامي الورديه احكمي عرش المحبه واحكمي ميثاقي

لو تلبس العادي على شكلها زان لا هي تكلّف به ولا هي تزيّن موسّده و ملحّفه طيب جدّان والمشيخه عرقٍ عليها مبيّن اما الشبه ؟ كنها من طيور سلطان قلت مع العالم .. ما عاد اتعيّن عذوبة حكاها على اسلوبها جنان و جنابها للغير .. ماهوب ليّن

بنتٍ من الطيب العريق مضاريب جدودها ساس العزوم العظيمة إن قيل من هي؟ قلت: درّة مواجيب بنت البدو … بنت النشاما الكريمة تمشي وعزّ الطيب حولها مراقيب والهيبة اللي في خطاها قديمة لا هبّت أرواح الوفا صارت هبايب وإن شافها قلب المحب اهتديمة فيها من النادر صفاتٍ تعاجيب حُسنٍ وعقلٍ والوفا فيه قيمة ما هي مثل غيرها من المغاريب حرةٍ كما وضح السنا في غيومة

صعب أنك تنساني وانا غيدٍ لعوب عندي قلوب الأوادم مثل خاتم يدي وأنت لو انك تبي تسج عني أو تتوب ما عاد فالثنتين حيله مايمدي تهتدي لا ستمالت يمّ قلبك ذعاذيع الهبوب ب تتذّكر حسن وجهي على وردٍ ندي

ما بين حُب الجواب وكُره السؤال القلب لو تاه ماينزل عليه الوحي لازلت قد الفراق ، وقد حلو الوصال لوّ المفارق مصيبة ، والوصال أرّيحي يازين ! والطق في موت المشاعر حلال إلى متى وأنت لا مقبل ولا منتحي ؟ يا مقربك لو دعيتك بس! كلمةر تعال أثقل على خاطري من حاجة المستحي

القلب متردي تزايد طعونه والحال من عقبك بليا تسانيع ياللي على قلبي تهايل شجونه البعد مايرحم قلوب الملاويع عامن قضيته والليالي تصونه مابين حرقة والمشاعر تمازيع قضيت وقتي لك مساير جنونه ارحم ملاهيف الحشا والمواجيع قلبن تولعكم ولا ترحمونه ! هذي عليكم من كبار المواضيع

والتلاعب بالمشاعر لا تسميها شطاره كم نديم زاد همه والسبايب من نديمه ما يجوز إنك تصلي قبل تبدا فالطهاره ولايجوز انك تحب ونيّتك ماهي سليمه

تتابعت خلف الشهور الاسابيع والشوق واقف والحنين متركّي خل السكوت يسود كل المواضيع انا اكبر من اللوم ومن التشكّي من ابسط حقوق الكلام انه يضيع الواقع اصدق من يقيني وشكّي لا تنتظر مني عبارات التوديع ماعندي الا الضحكه الي تبكّي

تلاحق الي تبقى من الغلا بين ايديك وش يجمعه لو تطول غيبتك وانتثر يتلني شوق لك رحمه على والديك ماني بقد الصبر ولا انت قد الصبر شف حالتي في الغياب أشكيك منك واليك هم برى الحال وعيونٍ طواها السهر وش يمنعك لا تواصلني وانا اموت فيك ظروف ليله ثلاث اسبوع ياخي شهر كملت ثلاث وانا كلّي شغلني عليييك ثلثين قلبي يبّاس وانت باقي خضر إن ماسقيته وصل ماعاد هو مرتجيك باكر إلّيا هبت الجوزاء يطير الشجر

وش يفيد السفر من ديره لديره وانا ما اسافر الا وانت قدامي كل ما افض سيره .. تنفتح سيره وش خليت بأوراقي واقلامي؟ ماخبرت الزمن وقفني بحيره لين شفتك وزادت عقبك اوهامي كل ما شفت حلم القاك تفسيره انت من واقعي .. ولا من احلامي؟

تدلّل وش تبي ؟ يا المبسم الضحّاك لجل عينك عذابي في الغرام يهون جمالك شي يستعصي على الإدراك عليك الكل من هول الحسن مفتون من يقاوم بهاك و لحظك الفتّاك من اللي هام فيك وما غدى مجنون عطيتك قلب مهما تجرحه يفداك تمون وكل جرحٍ من طرفك يمون